AMIKHEAKAKHIUKKHI 9:20 - AMÜSÜH HÜM CL Bible (BSI)

²⁰ Harü arümbonü müsheshihkhi aningkhi mihtsürübonü arü khah rhimobo chingnü mümüthrilo yungsho arimri le suna, shotoyinchi, müwayinchi, lung tüsho sang, angüpü yungsho asopü yungsho atsahpü mukukkhi sangthsübo kingaünkhi mutuklo;

AMIKHEAKAKHIUKKHI 9:20 Iomraidhean Croise

2 KIULONG THSÜRÜ 22:17

Tümütüsho arünü I bahyuk tüsho püpü thrünpuhbo kilim kingaün jih, junangde arü khah rhimo alalanü I bukakhiukshih, jumonü ha dangpung azhihde I bukakhiukbah, tüsho ju müzünmüt.

2 KIUTHSÜYUKHEAN 28:22

Kiulongthsüpuh Ahaznü anihbuh lümthsünü ching lachoki Atungpuh kilim alübe thiyuro mülakhi kam.

2 KIUTHSÜYUKHEAN 34:25

Tümütüsho arünü I bahyuk tüsho püpürü thrünpuhbo kilim rhümthüneabe taka jih, junangde arü khahnü arhimokhi alala hode I bukakhiukshih, I bukakhiukkhi ha dangpung kheak dungkihbah tüsho müyihmüt.

MUNGSHIKHÜN 106:37

Arünü arü tsührübo le tsührübebo she arimribo kilim shuhmülanga jih,

ISAIA 2:8

Arü lomi sangthsünü mide lah; arünü arü khahnü athsükhi, arü yingkhingbonü athsükhi ki khukningchoh.

ISAIA 41:7

Keaklahrünü sunakingrü ki tuthsukchoh, tüsho yümlungnü kingnakrünü yingkinglung kheak mütrütrü ki tuthsukchoh, yinchitakkihrünü thachoh, “Ha tsülah;” tüsho arünü mülaplappü thsüde yümruyinchinü yümruchoh.

JEREMIA 1:16

Tüsho arünü I bahyukde mihbukmuyukkhi alala thsungkheak inü arü azhihde I mahkhapkhibo thabah; arünü jipürü thrünpuhbo ki rhümthüneabe taka kingaün, tüsho arü nihbuh khahnü arhimokhi ki kingaün.

JEREMIA 25:6

püpü thrünpuhbo tankihpü düyü tüsho arü dükingaün, tüsho nüsa khah rhimobonü I bukdakhiukshih. Junangde inü nüsa ki athsümünim mürhimo.”

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

JEREMIA 51:17

Mihbüm abannü zhazhalah tüsho mükheahmudu müla; sunakingrübo alala arü sangthsübo hode achih ngüdo; tümüde arü mejakbo amülim tüsho arü kheak sheak müla.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 5:4

Arünü yukhu ju yung tüsho suna le shotoyinchi, müwayinchi, yinchi, sang, tüsho lung thrünpuhbo shijih.

LEVI 17:7

Junangde arünü müzammüramkhi arimri ki laksah-a mükingaün. Ha arü lün lün ching arü thsungkheaknü kamruhroro yakzan thsükhi labah.

MIKA 5:13

tüsho inü nüsa bolungnü mejakbo tüsho dungjingbo dükheakshihbah, tüsho kheaküa nüsanü nüsa khah rhimo ki mukhukning;

MATHI 21:32

Tümüde thiyuro-lungki limro ching Johan nüsa kilim arü, tüsho nüsanü api kheak akin müla, tüshe ruk-threrübo tüsho müzammüramrübonü api kheak akin la; tüsho nüsanü ha ngü dunglim she nüsa mulong mümüthri tüsho api kheak mükin.

YUNIRÜBO RHIMO 17:29

Jumonü Thrünpuh tsührübo a le, isanü aphü ju suna, shotoyinchi, lung, kikiukkhi tüsho mihtsürü lümkhi nangde ah de mülümbeah.

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

YUNIRÜBO RHIMO 7:41

Arünü jurü nimungbo ching moshinunu khülang thsü, tüsho sangthsü kilim laksah-a kingaün jihde arü khahnü athsükhi ching asühachih.

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

YUZÜNGTHALO 31:29

Tümüde I sheabahshu nüsa shahde athsümünimbah de inü mükheahlah, tüsho inü nüsa ki thiyukhüm jihkhi limro chingnü rholode atsobah; tüsho ju dunglim nimungbo ching amütsübo nüsa kheak akihbah, tümütüsho nüsanü Atungpuh mük kinü amütsü rhimode, nüsa khahnü arhimokhi hode api bahyukde abukakhiukshihbah.”

YUZÜNGTHALO 32:17

Arünü Thrünpuh tsütsü yungde arimri mebo, arünü küyimkishe mümükheahkhi, khihnishido arükhi thrünpuhbo aso, nüsa jipürünü mütrekhi kilim laksah-a kingaün.

YUZÜNGTHALO 4:28

Tüshe ju ching mihtsürü khahnü athsükhi, sang le lung, müngükhi yungsho musokhi, yungsho mütsühkhi yungsho mümünimkhi thrünpuhbo nüsanü tankihbah.

1 TIMOTHI 4:1

Kheakü ashulim kimbo ching mebo mülapyukkhi tüsho amünean yukhümbo anide akin chingnü khürü chamkhide atsobah de Menü thachoh.

AMIKHEAKAKHIUKKHI 15:1

Judüki thüning ching amütsan ato tüsho khinthiyinbe inü ngü: arüm thüne lung yunirü thüne lakheah, jurü akheambo, tümütüsho Thrünpuh bukakhiukkhi arün thsüpü arü kheak lakheah.

AMIKHEAKAKHIUKKHI 16:8

Aphüyipü yunirünü api phurusük ani kheak dunga bah, tüsho monü mihtsürü takpü ju ki mülüa lakheah;

AMIKHEAKAKHIUKKHI 9:19

Tümüde khorabo wu ju arü münbo tüsho arü mobo ching lakheah; arü mobo ju aku kihbah phurutobo nangde, jurü hode arünü yurijih.

AMIKHEAKAKHIUKKHI 9:21

yungsho arü mihkhukkhibo yungsho arü wurükbo yungsho arü müzammüram yungsho arü ahühkhibo chingnü mümüthrilo.