AMIKHEAKAKHIUKKHI 9:17 - AMÜSÜH HÜM CL Bible (BSI)

¹⁷ Tüsho inü I michih ching khorabo tüsho ju kheak binrü hanangde ngü: arübo mo tüsho shotolung-bluk, tüsho yinchike nangde treangkhümbebo yih, tüsho khorabo ku ju kekhüzübo ku nangde, tüsho arü mün chingnü mo le mokhüh tüsho yinchike akhiukshih.

AMIKHEAKAKHIUKKHI 9:17 Iomraidhean Croise

THRÜNTAN 19:24

Judüki Atungpuhnü molung tüsho mo thüning chingnü Sodom tüsho Gomorra kheak akishih.

1 KIUTHSÜYUKHEAN 12:8

Gadrü kilimnü athrungrü tüsho thirithsü ching rük zahrü, tsung tüsho thsüh shuhsorü, miro kekhüzübo nangde, tüsho awung ching alihde atsahkhi rimsung nangde David kilim sunglo chipi ayünkhi ching yü:

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

EZEKIEL 33:22

Kheakü arelim atsorü arüpü müngüh Atungpuh khah I kheak lakheah; tüshe yapsu I kilim atsorü arüchoki apinü I mün khimshuhjih; jumonü I mün khimshuh-a lakheah, tüsho inü masukkhukpü thsüde mülade alakheah.

DANIEL 8:2

Michih ching inü kheahde alakheah tüsho I ju Susa kiuying, Elam lomi ching lade ngü, tüsho I Ulai ayung ki lakheah.

DANIEL 9:21

I tamkhüntamnüde alachoki, akhuh ngükhi michih ching inü angübuh mihtsürü Gabriel arelim kingaünkhi kim ching I ki phinde aki.

AMIKHEAKAKHIUKKHI 11:5

Tüsho khürünü ane trünthsüsho, ane mün chingnü mo akhiukbah tüsho arü riribo aniuabahbah; hanangde khürünü ane trünthsüsho asheshihbah.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.

AMIKHEAKAKHIUKKHI 21:20

aphüngüpü lungmütri, athurukpü shotolung-thüyin, athünepü lungmükin, atizheahpü ayinlung, atukupü kelülülung, athürüpü lungphüyak, thürükheak khülangpü athuyunglung, thürükheak mahnepü lungbluk.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 9:18

Harü arüm mahsam mo, mokhüh tüsho yinchike arü mün chingnü akhiukkhinü mihtsürü shihcham mahsam ching khülang laksah.

AMIKHEAKAKHIUKKHI 9:9

arü treangbo ju yinchi treangkhümbebo nangde, tüsho arü ghidükeang düsheak ju khora-lolungbebo khorabo bede ahihdo thirithsü ching nanachihde yüzahkhi nangde alakheah.