AMIKHEAKAKHIUKKHI 9:15 - AMÜSÜH HÜM CL Bible (BSI)

¹⁵ Jumonü ha kimkhü, nimung, khinu, tüsho kam ching mihtsürü shihcham mahsam ching khülang laksahpü thsakhama zokhi yunirü phüyi ju dükhe.

AMIKHEAKAKHIUKKHI 9:15 Iomraidhean Croise

AMIKHEAKAKHIUKKHI 20:7

Tüsho küyimki kam chithürü arün thsübanü, Arimri ju rihyam chingnü adükhebah

AMIKHEAKAKHIUKKHI 8:10

Asampü yunirünü api hulipungpung müt, tüsho thüning kheaknü chining ato, tsünduphung nangde trude keamkhi, tüsho ju ayungbo shihcham mahsam ching khülang tüsho kenübo kheak keam.

AMIKHEAKAKHIUKKHI 8:7

Akhuhbe yunirünü api hulipungpung müt, tüsho aru le mo thiyih lung düsahbah alomi kheak keamkhi; alomi shihcham mahsam ching khülang, tüsho sangdungbo shihcham mahsam ching khülang, tüsho sangrung phüyak alala aniuabah.

AMIKHEAKAKHIUKKHI 8:8

Mahnepü yunirünü api hulipungpung müt, tüsho awung ato nangde, mo trude keto ching jipyuk;

AMIKHEAKAKHIUKKHI 8:9

tüsho keto shihcham mahsam ching khülang thiyih kam, keto ching arhang shiwühbo shihcham mahsam ching khülang sheabah, tüsho sangkungbo shihcham mahsam ching khülang thsümünim.

AMIKHEAKAKHIUKKHI 9:10

Arübo lungthsühribo nangde amobo, amünibo la, tüsho khinu phüngü mihtsürü trünthsüpü wu arü mobo ching lakheah.

AMIKHEAKAKHIUKKHI 9:18

Harü arüm mahsam mo, mokhüh tüsho yinchike arü mün chingnü akhiukkhinü mihtsürü shihcham mahsam ching khülang laksah.

AMIKHEAKAKHIUKKHI 9:5

Tangkhobo ki mülükhi ju arü laksahpü yung tüshe khinu phüngü arü thsümüchipü lang alakheah, tüsho arünü thsümüchikhi ju lungthsührinü mükeaka thsükhi nangde alakheah.