AMIKHEAKAKHIUKKHI 8:5 - AMÜSÜH HÜM CL Bible (BSI)

⁵ Judüki yunirünü mophuru ju lubah kingaün sadam kheak yo mo yuk tüsho alomi kheak jipa bah; tüsho tsüngmukkhibo, düsheakbo, chinchobe phürapkhi, tüsho muliuyuk lakheah.

AMIKHEAKAKHIUKKHI 8:5 Iomraidhean Croise

1 KIULONG THSÜRÜ 19:11

Apinü tha, “Wukhiukang tüsho awung kheak Atungpuh miki zhipang, tümüde Atungpuh hode ayüpü thsüchoh.” Kheakü apung ato lakheah, khide amüküpkhinü awungbo tüsho lungbo Atungpuh miki adütre kamde trüabah, tüshe apung ching ju Atungpuh mülakheah; tüsho apung dunglim muliuyuk züng tüshe Atungpuh ju muliuyuk ching mülakheah;

MUNGSHIKHÜN 18:13

Atungpuhnü thüning ching tsüngmuk, tüsho Khide Achangbuhnü arulung, tüsho chinchobe phürapkhinü adüsheak thsü.

ABEKHIT 19:16

Asam nipü yapsu müzüng kumung amo akheah kihde tsüngmuk tüsho chinchobe lakheah, tüsho hulipungpung khide achangnü müt, jumonü binkheampung ching mihtsürü alala ajan.

ISAIA 29:6

Wuto Atungpuhnü tsüngmukde tüsho muliuyuk züngde tüsho atonü alande, chitmühean tüsho chinthrüm, tüsho aniuabahbe motru hode nü rhuakheahbah.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 66:6

Aniang, kiuto ching arhunganimkhi! Arüngyam ching düsheak! Atungpuh düsheak, api riri athrihlochoh!

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

LEVI 16:12

apinü Atungpuh miki kingaün sadam kheaknü mo takpung ching mokhih zahde alubah tüsho tsüde anitkhi rhümthüneabe müyikhüh lubah Amüsüh Dangpung ki arübah.

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

MATHI 24:7

Tümütüsho trükshihnü trükshih, tüsho kiulongthsünü kiulongthsü azhihde wusubah. Tüsho dangpung aban ching khümzung, arüm, tüsho muliuyuk labah.

LUKNÜ ATHRÜTKHI THIYUSHEAK-ATSÜ HUHTANYU 12:49

“I alomi kheak mo hande arüpü arükheah tüsho inü künangde alümkheanü ju takkihdo!

YUNIRÜBO RHIMO 16:26

tüsho zukleangnü ju ching muliuyuk ato züng, junangde rihyam khimtan niuklaplap; tüsho zukleangnü khimdopü alala khimshuh tüsho aramrü wuhrünliubo atreakabah.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 4:5

Kiulongthsübinkiu ching junü chinchobe düsheakbo tüsho tsüngmukbo akhiuk, tüsho kiulongthsü-binkiu miki Thrünpuh me thüne, tsünduphung thüne lakheah;

AMIKHEAKAKHIUKKHI 6:12

Küyimki apinü ayümdokhi athurukpü khimshuhkhea, inü kheah, tüsho muliuyuk ato lakheah; tüsho ani ju shungliukhim nangde mürakdo, khinu abümnü thiyih nangde kamabah,

AMIKHEAKAKHIUKKHI 8:3

Yunirü püpü arü tüsho suna mophuru shuhbah kingaün sadam kheak zhip; tüsho amüsührü alala tamkhüntamnükhi lungnü kiulongthsü-binkiu miki suna kingaün sadam kheak jihpü api kilim rhümthüneabe hihde jih;