AMIKHEAKAKHIUKKHI 8:3 - AMÜSÜH HÜM CL Bible (BSI)

³ Yunirü püpü arü tüsho suna mophuru shuhbah kingaün sadam kheak zhip; tüsho amüsührü alala tamkhüntamnükhi lungnü kiulongthsü-binkiu miki suna kingaün sadam kheak jihpü api kilim rhümthüneabe hihde jih;

AMIKHEAKAKHIUKKHI 8:3 Iomraidhean Croise

1 KIULONG THSÜRÜ 7:50

pungbo, moyünbe, müsühmüra-phuru, rhümthüneabe thsungkheak phühbo tüsho suna müthsün moli-takpung; Khide Amüsüh Dangpung alunglim khimdopü thsungkheak tüsho suna arüngyam yamkhuh khiungshak khimdopü müchinkhibo.

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

ABEKHIT 40:26

Apinü ashorupung khimyam ching zhindokhim miki suna kingaün sadam zo;

ISAIA 6:6

Judüki seraph khülangnü kingaün sadam kheak yo mo kihkhi mokhih amüjipbenü shuhbah I kilim phinde arü.

EZEKIEL 41:22

sang kingaün sadam khülang, achanglim khahnap 3, ashanglim khahnap 2, tüsho amühit, ajing tüsho rhübo ju sang lakheah. Apinü I ki tha, “Ha Atungpuh miki dubokhi dükhüm ah.”

AMOS 9:1

Inü Atungpuh ju kingaün sadam ki zhipde ngü, tüsho apinü tha: Akhimtan muniukniukyi khiungde dungjing ku kheak lakang, tüsho jurübo mihtsürü alala ku kheak aniukkhiang; tüsho sherü aninga lanü inü nukshangnü alaksahbah; arü she lang she shande mutso, arü she lang she mutsokhi.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

WÜHKHE 4:11

Jushu arünü suna kingaün sadam kheak biyi khimnü aphudobah, ju kheak shihküp lüpkihbah, tüsho ashuhbe sangkhrih yukbah.

WÜHKHE 7:62

shekel 10 dünkhi arhümthüneabe zahde suna mopungphüh 1;

LUKNÜ ATHRÜTKHI THIYUSHEAK-ATSÜ HUHTANYU 1:10

Tüsho jinjinlak takkhi kim ching mihtsürü boto alala wungdo tamkhüntamnüde alakheah.

ROMRÜ KILIM PAULNÜ ATHRÜTKHI KIHÜM HUHTANYU 8:34

shepünü amülim jihba? Juju shebah arhang kamlokhi, Thrünpuh khah tsülim lakhi isa thsungkheak mushujihbuh Jisu khrista a shi?

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.

IBRI 9:4

Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah;

AMIKHEAKAKHIUKKHI 10:1

Judüki inü püpü wuto yunirü amo ching hingbah, aku kheak mürechin kihde thüning chingnü akide ngü, tüsho amiro ju ani nangde, tüsho ajingbo ju mo dungtobo nangde alakheah.

AMIKHEAKAKHIUKKHI 14:18

Judüki yunirü püpü mo kurungkheak wu lakhi kingaün sadam limnü akhiuk, tüsho hirhüpbe ayuk shuhbuh ki düsheak achangnü zhi, “Hirhüpbe ju luang tüsho alomi kurungasolu chingnü kurungaso keangthrünbo rhüpmukhungang, tümütüsho kurungasobo müna lah.”

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;

AMIKHEAKAKHIUKKHI 6:9

Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü;

AMIKHEAKAKHIUKKHI 7:2

Judüki yunirü püpü arhang Thrünpuh mütsanyüm shuhbah aniakhiuklimnü akihde inü ngü, tüsho apinü alomi tüsho keto thsümünimpü wu jih-a lakhi yunirü phüyi ki düsheak achangnü zhide ji,

AMIKHEAKAKHIUKKHI 8:4

tüsho Thrünpuh miki yunirü khah chingnü rhümthünea mokhüh ju amüsührü tamkhüntamnü lungnü yükih.

AMIKHEAKAKHIUKKHI 8:5

Judüki yunirünü mophuru ju lubah kingaün sadam kheak yo mo yuk tüsho alomi kheak jipa bah; tüsho tsüngmukkhibo, düsheakbo, chinchobe phürapkhi, tüsho muliuyuk lakheah.

AMIKHEAKAKHIUKKHI 9:13

Judüki athurukpü yunirünü api hulipungpung müt, tüsho Thrünpuh miki suna kingaün sadam juh phüyi chingnü inü düsheak khülang so,