AMIKHEAKAKHIUKKHI 8:11 - AMÜSÜH HÜM CL Bible (BSI)

¹¹ Chining mung ju Akhüh. Ke shihcham mahsam ching khülang akhüh kam, tüsho ke khühkhinü mihtsürü ahihdo sheabah.

AMIKHEAKAKHIUKKHI 8:11 Iomraidhean Croise

ABEKHIT 15:23

Küyimki arü Mara ching arükhea, arünü Mara ke muyungkhuk, tümüde ju akhüh lakheah; jumonü ju ki Mara de ji.

MÜCHITMUDU 5:4

tüshe akheam ching a anihbe ju shihsu nangde, thrip aban ayuk nukshang nangde lah.

JEREMIA 23:15

Jumonü wukihrübo dünkheak Wuto Atungpuhnü ha thachoh: “ Inü arü kilim tsühyungpü akhüh tsühshihbah, tüsho müzüm duhbah; tümüde Jirusalem ching wukihrübo kheaknü Thrünpuh mümükheahkhi lomi ching budo.”

JEREMIA 9:15

Jumonü Wuto Atungpuh , Israel Thrünpuhnü ha thachoh: Inü ha mihtsürü akhüh sangrung kipbah tüsho müzüm ke duhbah.

TÜZHOKHI 3:19

I thsünükhi, tüsho rümde atsahkhi akhüh müzüm inü lümkhitchoh!

TÜZHOKHI 3:5

apinü I thsümütsü tüsho thsünü rihyam ching rihdo.

AMOS 5:7

Nüsa thiyuro akhühsang kamshihrü, tüsho thiyuro-lungki alo kheak jipkhia bahrü ayokhe!

AMOS 6:12

Khorabonü lungbo kheak alihcho de? Khürünü moshipungbo bebah keto mülapcho de? Tüshe nüsanü thiyuro ju müzüm kamshihdo thiyuro-lungki sangaso ju akhüh kamshihdo.

ZEKARIA 13:8

Lomi athrünkhi ching, Atungpuhnü thachoh, shihcham mahsam ching mahne shekhambah, tüsho shihchamkhüh labah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

YUZÜNGTHALO 29:18

khükia nüsa bolung athrürü yungsho aliberü yamkhün yungsho trük, Atungpuh isa Thrünpuh kheaknü mulong rholobah harü trükshih thrünpuhbo tankihbah, tüsho nüsa bolung aying akhüh tüsho ari zahkhi sang nangde alabah;

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

AMIKHEAKAKHIUKKHI 12:4

Api monü thüning kheak chining shihcham mahsam ching khülang phütkhia alomi kheak akishih. Tüsho alibenü zübechoki anihbe tsührü tsühabahpü thsüde, khungarü zübepü lachoki dragon ju alibe miki zhip;

AMIKHEAKAKHIUKKHI 8:7

Akhuhbe yunirünü api hulipungpung müt, tüsho aru le mo thiyih lung düsahbah alomi kheak keamkhi; alomi shihcham mahsam ching khülang, tüsho sangdungbo shihcham mahsam ching khülang, tüsho sangrung phüyak alala aniuabah.

AMIKHEAKAKHIUKKHI 9:15

Jumonü ha kimkhü, nimung, khinu, tüsho kam ching mihtsürü shihcham mahsam ching khülang laksahpü thsakhama zokhi yunirü phüyi ju dükhe.

AMIKHEAKAKHIUKKHI 9:18

Harü arüm mahsam mo, mokhüh tüsho yinchike arü mün chingnü akhiukkhinü mihtsürü shihcham mahsam ching khülang laksah.

RUTH 1:20

“I ki Naomi de düji,” anihbenü alo, “ Mara de jiang, tümüde Wuto Thrünpuhnü I kheak khide khühde rhimodo.