AMIKHEAKAKHIUKKHI 7:9 - AMÜSÜH HÜM CL Bible (BSI)

⁹ Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,

AMIKHEAKAKHIUKKHI 7:9 Iomraidhean Croise

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

MUNGSHIKHÜN 2:8

I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 76:4

Nü a shihwuhnu lakhi müzüngbo kheaknü alü müretahkhi tüsho hodaklah.

MUNGSHIKHÜN 77:2

I küpkhuk nimung inü Atungpuh yim; azhing ching müdüchingde I khah chungkih; I menü mulong shukheampü thsunglo.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 3:17

Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

EZEKIEL 47:5

Kheaküshe apinü 1000 ake, tüsho ju inü müdükihhokhukpü thsüde ayung khülang lakheah, tümüde ke ju yükih; ha aphungpü khide sükde, müdükihhokhukpü thsüde ayung khülang lakheah.

DANIEL 4:1

Kiulongthsüpuh Nebukednezarnü mihtsürü alala, trükshihbo, tüsho alomi ching lakhi thiyutha kilim: Nüsa mungtsü laang!

DANIEL 6:25

Judüki kiulongthsüpuh Dariusnü mihtsürü alala tüsho lomiküp lüpdükhi ching thiyutha trükshih aban kilim thrüt: “ Nüsa tsüde laang!

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

LEVI 23:40

Tüsho nüsanü atan nimung sangdung atsü sangasobo, ashidung khahbo, ayü hihkhi sangkhahbo tüsho keyean zhipkhi sangbo lude arübah; tüsho nüsanü Atungpuh nüsa Thrünpuh miki nimung thüne asühachihbah.

ZEKARIA 10:8

Inü arü jibah tüsho arübo mukhungbah, tümüde inü arü rhokhitdo tüsho akhuhlim nangde arü hihde akambah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

LUKNÜ ATHRÜTKHI THIYUSHEAK-ATSÜ HUHTANYU 12:1

Ju kim ching, küyimki mükhebinkhi boto mihtsürü khülangnü khülang jungachihde amukhungkhea, apinü akhuhde api jingyanrübo ki thapü tankih, “Yiuhkhaprü Pharisirü phaüm dünkheak kümkangang.

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

JOHAN 12:13

ashisang khahbo lubah api shorupü wukhiuk, tüsho zhi, “Hosanna! Shepü Atungpuh mung ching arüchonü müngühmühi thsang! Israel kiulongthsüpuh Thrünpuhnü müngühshang!”

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

EFISIA 6:13

Jumonü Thrünpuh thirithsü zülu alala luang, junangde amütsü nimung arüchoki nüsanü azhipkhukbah, tüsho alala rhimo dunglim düküngde azhipbah.

IBRI 11:12

Tüsho api sheabah-a lalashe, mihtsürü khülang kheaknü thüning chiningbo hihdakkhi nangde tüsho kemungyean mükhebinkhi loyi nangde tsühsoniusobo trükkhit.

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 22:3

Ju ching kheaküa tümü she muthrumüneankhi müla tüshe Thrünpuh kiulongthsü-binkiu tüsho Namfimihnunu ju ching labah, tüsho anihbuh tankihrübonü api kingaünbah;

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.

AMIKHEAKAKHIUKKHI 5:11

Judüki inü kheah, tüsho kiulongthsü-binkiu, shiwühbo, tüsho azothsürübo mükamde yunirü ahihkhüh chithürübo tüsho chithürü thürübo düsheak inü so.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,

AMIKHEAKAKHIUKKHI 6:11

Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.

AMIKHEAKAKHIUKKHI 7:8

Zebulun trük chingnü 12,000, Josep trük chingnü 12,000, Benjamin trük chingnü 12,000.