AMIKHEAKAKHIUKKHI 7:3 - AMÜSÜH HÜM CL Bible (BSI)

³ “Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.”

AMIKHEAKAKHIUKKHI 7:3 Iomraidhean Croise

ABEKHIT 12:13

Kheakü nüsa lakhi yambo kheak thiyih ju nüsa thsungkheak amütsan khülang thsübah. Küyimki inü thiyih ngübanü inü nüsa phunghode ayübah; tüsho inü Ijip shikchoki nüsa dükheakpü arüm ju nüsa kheak mülade alabah.

ABEKHIT 12:23

Tümüde Atungpuhnü Ijiprü laksahpü hode ayübah; tüsho apinü ripit kumung le dungjing mahne kheak thiyih ngüsho, Atungpuhnü ripit hode ayübah tüsho athsümünimrü nüsa yambo ching alaksahpü mazahshih.

ISAIA 27:8

Yankhita bahde, ramtso hode nünü arü azhihde thirithsü; abukakhiukde apinü arü aniakhiuklim pung yünkhi nimung lahkhita bah.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

ISAIA 6:13

Thürü ching khülang aningning she, kheaküshe athsümünimbah, mudungsang yungsho ame wokhi nangde.” Müjih amüsüh ju hoju ame ah.

ISAIA 65:8

Atungpuhnü ha thachoh: Kurungaso ching yukhu ngüchoh, tüsho arünü tha, “Ha düthsümünim, tümüde ju ching müngühmühi lah,” jumonü I yamlarü thsülimnü inü arhimobah, tüsho arü alala müthsümünim.

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

EZEKIEL 9:6

Ashinbuhrü mihtsürü, athrününgtsüng tüsho anünürü, azoberü tüsho azürü laksahang, tüshe amütsan kihrü sheshe düqiu. I arüngyam kinü tankihang.” Jumonü arünü arüngyam miki larü azothsürü kheaknü tankih.

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

DANIEL 3:26

Judüki Nebukednezarnü motrukhi ripit ki yü tüsho zhi, “Shadrak, Meshak tüsho Abednego, khide Achang Thrünpuh yamlarübo, akhiukang! Ha kheak arang!” Jumonü Shadrak, Meshak tüsho Abednego arünü mo chingnü akhiuk,

DANIEL 6:16

Judüki kiulongthsüpuhnü thiyukhüm jih, tüsho Daniel bedarübah kekhüzübo yam ching jipyuk. Kiulongthsüpuhnü Daniel ki tha, “ Nünü thülünde tankihkhi nü Thrünpuhnü nü bekhitshang!”

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

MATHI 24:22

Jurü nimungbo mükhikkheamkhülaa, sheshe rhangdung mülade alabah, tüshe amokhitrübo thsülimnü jurü nimungbo khikkheamjihbah.

MATHI 24:31

Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 3:33

Shepünü api yusheak leangkhichonü Thrünpuh ju thiyuro de junü adüngakhi thsüchoh.

ROMRÜ KILIM PAULNÜ ATHRÜTKHI KIHÜM HUHTANYU 6:22

Tüshe kheakü nüsa neak chingnü zuzu kam tüsho Thrünpuh yo azhorü kam, ju müthri nüsanü atsangkhitkhi ngü tüsho akheam ju lün rhangdung lah.

AMIKHEAKAKHIUKKHI 13:16

Kheaküshe junü anini tüsho ato, alarü tüsho zhochihrü, zuzu tüsho azhorü alala tsülim khah yungsho kingkang kheak mütsan yihkihpü reangkih,

AMIKHEAKAKHIUKKHI 13:17

junangde mütsan kihkhi shiwüh mung yungsho amung khekhi mülasho shenü she athulopü yungsho ayinpü mukukde alakheah.

AMIKHEAKAKHIUKKHI 14:1

Judüki inü kheah, tüsho Zion Müzüng kheak Namfimihnunu zhipde alakheah; api lung anihbuh mung tüsho Abuh mung arü kingkang kheak thrütkhi mihtsürübo 144,000 lakheah.

AMIKHEAKAKHIUKKHI 14:9

Tüsho püpü yunirü, mahsampünü ane dunglim yande düsheak achangnü tha, “Khürünü shiwüh tüsho ju mejak kingaünsho, tüsho api kingkang yungsho khah kheak amütsan yihkih-a lasho,

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.

AMIKHEAKAKHIUKKHI 22:4

arünü api miro ngübah, tüsho arü kingkangbo kheak api mung labah.

AMIKHEAKAKHIUKKHI 6:6

Tüsho arhang shiwüh phüyi bolungnü düsheak khülang inü so, “Nimung khülang mihkhah dün wheat hi khahngak 1, tüsho nimung khülang mihkhah dün barli khahngak 3; tüshe müdangke tüsho kurungasolu düthsümünim!”

AMIKHEAKAKHIUKKHI 7:1

Ha dunglim yunirü phüyi apungnü alomi yungsho keto yungsho sangdung kheak müyünshihpü alomi pungbo tholobah alomi mühit phüyi kheak zhipde inü ngü.

AMIKHEAKAKHIUKKHI 7:2

Judüki yunirü püpü arhang Thrünpuh mütsanyüm shuhbah aniakhiuklimnü akihde inü ngü, tüsho apinü alomi tüsho keto thsümünimpü wu jih-a lakhi yunirü phüyi ki düsheak achangnü zhide ji,

AMIKHEAKAKHIUKKHI 9:4

alomi sangrung yungsho sangdung phüyak asürükhi thsümünimpü yung tüshe arü kingkangbo kheak Thrünpuh mütsanyüm mükihkhi mihtsürübo lang athsümünimpü arü ki tha.