AMIKHEAKAKHIUKKHI 7:16 - AMÜSÜH HÜM CL Bible (BSI)

¹⁶ Arü kheaküa mükhüm yungsho kemüthüri; aninü yungsho alamlamnü arü mütak.

AMIKHEAKAKHIUKKHI 7:16 Iomraidhean Croise

MUNGSHIKHÜN 121:5

Atungpuh nü aheangrü ah; Atungpuh ju nü khah tsülim nü alamdorü ah.

MUNGSHIKHÜN 121:6

Aninü animung yungsho khinunü azhing ching nü kheak mütak.

MUNGSHIKHÜN 143:6

Inü nü kilim I khahbo chungkihchoh; akung lo nangde I menü nü mürheangchoh.

MUNGSHIKHÜN 42:2

I menü rhangdung Thrünpuh thsungkheak kethürichoh. Küyimki I Thrünpuh miki yüba?

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

KHÜNBOLUNGKHÜN 1:6

O I kheak dükheah tümütüsho I müraklah, tümütüsho aninü I phumürakdo. I be tsührübonü I ki bukakhiuk; arünü I kurungasolu neakrü kamshih, tüshe I yo kurungasolu a inü müneak!

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 41:17

Küyimki zhochihrü tüsho müthsümülarünü ke yimba, tüshe ju ching mülaba, tüsho kethürinü arü mulo kungba, I Atungpuhnü arü ki alobah, I Israel Thrünpuh nü arü mübahyuk.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 65:13

Jumonü Atungpuh Thrünpuhnü thachoh: I yamlarübo atsühbah, tüshe nüsa akhümbah; I yamlarübo ayungbah, tüshe nüsa kethüribah; I yamlarübo asühachihbah, tüshe nüsa achih ngüshihbah;

JONA 4:8

Küyimki ani akhiukkhea, Thrünpuhnü aniakhiuklim pung atak khülang thsakham, tüsho aninü Jona ku kheak thsahkih, junangde Jona lungabah tüsho apinü ashepü kün. Apinü tha, “ I alapü kheaknü ashekhi lang atsübe ah.”

MATHI 13:21

tütüshe api kheak aying mülakhinü anükhühkheak lang lachoh. Küyimki küpkhuk yungsho thsümüchi arübanü ju yu dünkheaknü api nahde lungabahchoh.

MATHI 13:6

Tüshe küyimki ani akhiukkhea, arü kheak thsahkih, tüsho arü ying mülamonü yiuhabah.

MATHI 5:6

Thiyuro-lungki thsungkheak khümkethürirü asühpü, tümüde arü bukthsübah.

MARK 4:17

tüsho arü kheak aying mülakhinü anükhüh kheak lang lachoh. Ju dunglim küyimki thiyu hode thsümütsü-ato yungsho thsümüchi akhiukbanü, nahdü lang arü ayokhichoh.

MARK 4:6

Tüshe küyimki ani akhiukkhea, ju phu, tüsho aying mülakhi hode yiuhabah.

LUKNÜ ATHRÜTKHI THIYUSHEAK-ATSÜ HUHTANYU 1:53

Apinü khümde alarü atsübonü bukthsüshih, tüsho alarü khah keangkeang tsoshih.

LUKNÜ ATHRÜTKHI THIYUSHEAK-ATSÜ HUHTANYU 6:21

Nüsa kheakü khümde alarübo asühpü, tümüde nüsa bukthsübah. Nüsa kheakü tripde alarübo asühpü, tümüde nüsa amünebah.

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JAKOB 1:11

Tümüde ani zhipzhip takde akhiukkhinü rim yiuhabahshihchoh; asangbünbo keamkhichoh, tüsho kheahtsübe dükheakchoh. Junangde alarü mihtsürü ju api shothsümolo yüchoki dükheakabahbah.

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”