AMIKHEAKAKHIUKKHI 7:15 - AMÜSÜH HÜM CL Bible (BSI)

¹⁵ Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.

AMIKHEAKAKHIUKKHI 7:15 Iomraidhean Croise

1 KIULONG THSÜRÜ 6:13

I Israel tsührü bolung labah, tüsho I mihtsürü Israel mübahyuk.”

1 KIUTHSÜYUKHEAN 23:25

Tümüde Davidnü tha, “Atungpuh , Israel Thrünpuhnü api mihtsürübo kilim sühakhim jihdo; tüsho api Jirusalem ching lünnü lah.

ABEKHIT 29:45

Judüki I Israelrü lung labah, tüsho arü Thrünpuh thsübah.

EZEKIEL 37:27

I lapung arü lung labah; tüsho I arü Thrünpuh thsübah, tüsho arü ju I mihtsürü thsübah.

LEVI 26:11

Inü I lapung nüsa bolung zobah, tüsho inü nüsa mübahyuk.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 8:1

Isanü athakhi yu ju ha ah: Yinmi ching wüntre-müretah kiulongthsü-binkiu tsülim binkhi isa hadürü amükeamrü lah.

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 13:6

Thrünpuh athruajipü tüsho api mung le api lapung tüsho yinmi ching larü athruajipü api mün khimshuh.

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.

AMIKHEAKAKHIUKKHI 21:22

Inü kiuto ching arüngyam tümü müngü, tümüde arüngyam ju Wuto Atungpuh Thrünpuh tüsho Namfimihnunu ah.

AMIKHEAKAKHIUKKHI 22:3

Ju ching kheaküa tümü she muthrumüneankhi müla tüshe Thrünpuh kiulongthsü-binkiu tüsho Namfimihnunu ju ching labah, tüsho anihbuh tankihrübonü api kingaünbah;

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

AMIKHEAKAKHIUKKHI 4:9

Tüsho küyimki arhang shiwühbo kiulongthsü-binkiu kheak binkhi, lünnü lün labuh kilim müretah, wüntre tüsho makshe jihbanü,

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,