AMIKHEAKAKHIUKKHI 7:13 - AMÜSÜH HÜM CL Bible (BSI)

¹³ Judüki azothsürü bolung khülangnü I ki keokhi, “Harü shulünkhim amüye yihkhibo ha sherü a, tüsho arü küchingnü arükhea?”

AMIKHEAKAKHIUKKHI 7:13 Iomraidhean Croise

THRÜNTAN 16:8

Tüsho Apinü tha, “Sarai yamlabe Hagar, nü küchingnü arükhea, tüsho nü külim yücho?” Alibenü alo, “I putungbe Sarai kinü I tsochoh.”

DANIEL 7:16

Ha alala thiyuro dünkheak keokhipü ju kheak zhiprü khülang kilim I yü. Jumonü apinü ha amütsan I ki tha:

JOHAN 7:28

Judüki Jisunü arüngyam ching thsangyude alachoki zhi, “Nüsa chidonü I mükheahlah, tüsho I küchingnüanü nüsanü mükheahlah; I küdahnü I arükhi yung, tüshe nüsanü mümükheahkhi I thiyibuh thiyuro lah.

YUNIRÜBO RHIMO 3:12

Küyimki Peternü ju ngükhea, apinü mihtsürübo ki tha, “Israel mihtsürübo, tümü thsükhi nüsanü ha kheak müyinsahcho, yungsho isa wu yungsho isa tsakamkhinü api tsahshihkhi nangde isa kheak kheahcho?

AMIKHEAKAKHIUKKHI 3:4

Tütüshe nü arü khimmihbo mümüneankhi Sardis ching khürü lah; tüsho arünü amüye yihbah I lung tsahbah, tümüde arü thülünlah.

AMIKHEAKAKHIUKKHI 4:10

azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.

AMIKHEAKAKHIUKKHI 5:11

Judüki inü kheah, tüsho kiulongthsü-binkiu, shiwühbo, tüsho azothsürübo mükamde yunirü ahihkhüh chithürübo tüsho chithürü thürübo düsheak inü so.

AMIKHEAKAKHIUKKHI 5:5

Judüki azothsürü khülangnü I ki tha, “Dütrip; kheahang, Juda trük kekhüzü, David Sangyingnü kukdo, junangde apinü ayümdokhi thüne küpqiu khimshuhpü kuklah.”

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,

MAHKHAPRÜ 13:6

Jumonü alibenü arübah aniubuh ki tha, “ Thrünpuh mihtsürü khülang I ki arü tüsho api akheahpü ju Thrünpuh yunirü nangde khide amüyinsahbe lakheah; tüshe api küchingnü arükheanü inü api ki mükeokhi, tüsho apinü I ki amung mütha.