AMIKHEAKAKHIUKKHI 7:1 - AMÜSÜH HÜM CL Bible (BSI)

¹ Ha dunglim yunirü phüyi apungnü alomi yungsho keto yungsho sangdung kheak müyünshihpü alomi pungbo tholobah alomi mühit phüyi kheak zhipde inü ngü.

AMIKHEAKAKHIUKKHI 7:1 Iomraidhean Croise

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 27:3

I Atungpuhnü ha neakchoh; kim abande inü ke duhchoh. Inü azhing ayin aheangchoh, junangde shenü müthsümünim;

ISAIA 27:8

Yankhita bahde, ramtso hode nünü arü azhihde thirithsü; abukakhiukde apinü arü aniakhiuklim pung yünkhi nimung lahkhita bah.

JEREMIA 49:36

tüsho inü thüning thrip phüyi chingnü Elam kheak apung handarübah; tüsho inü harü apungbo ching arübo müzütshihbah, tüsho Elam chingnü ramtso müyükhi trükshih khülang she mülade müthsü.

EZEKIEL 37:9

Judüki apinü I ki tha, “Sheak ki müchitang, mihtsürü tsührü, müchitang tüsho sheak ki thaang: Atungpuh Thrünpuhnü ha thachoh: Apungbo thrip phüyi chingnü arang, O sheak, tüsho harü alaksahkhibo kheak sheak thsüyukang, junangde arübo rhangdung labah.”

EZEKIEL 7:2

Mihtsürü tsührü, ha Wuto Atungpuhnü Israel lomi ki thachoh: Akheam! Lomi thrip phüyi ching akheam arüdo.

DANIEL 11:4

Tüshe api wu achang chingnü api kiulongthsü thsümünimbah tüsho shihcham phüyi thsüde achamnakbah. Api kheaknü arükhi kiulongthsürübonü yungde api müthri yakzan shuhbah, tüshe api lakhi nangde arü wu mülade alabah.

DANIEL 7:2

I, Danielnü, azhing ching thüning lim apung phüyinü keto ato rhumüneande I michih ching ngü,

DANIEL 8:8

Jushu mihnu pung ju khide tode kam; tüshe api wu changkhi ching, ajuh atobe zhakabah, tüsho ju müthri ajuh phüyi akhiukbah thrip phüyi ching abina lakheah.

JONA 1:4

Tüshe Atungpuhnü apung ato khülang keto kheak arüshih, tüsho sangkung ju athsümünimpü thsüde chinthrüm ato keto kheak arü.

ZEKARIA 6:1

Tüsho kheaküshe inü abinkih-a kheah tüsho müwayinchi-müzüng mahne chingnü khora-lolungbe jing akhiukde ngü.

ZEKARIA 6:5

Yunirünü I ki alo, “Harü ha lomi alala TU N GPU H mikinü arükhi yinmi mebo phüyi ah.

MATHI 24:31

Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

MARK 13:27

Judüki apinü nihbuh yunirübo arüshihbah, tüsho alomi akheam chingnü thüning akheam khiungde thrip phüyi chingnü apinü amokhitrübo bemukhungbah.

AMIKHEAKAKHIUKKHI 20:8

tüsho alomi thrip phüyi ching lakhi trükshihbo mülapyukpü, Gog tüsho Magog thirithsü bemukhungpü akhiukbah; arü khekhi ju keto loyi nangde lah.

AMIKHEAKAKHIUKKHI 6:6

Tüsho arhang shiwüh phüyi bolungnü düsheak khülang inü so, “Nimung khülang mihkhah dün wheat hi khahngak 1, tüsho nimung khülang mihkhah dün barli khahngak 3; tüshe müdangke tüsho kurungasolu düthsümünim!”

AMIKHEAKAKHIUKKHI 7:3

“Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.”

AMIKHEAKAKHIUKKHI 8:7

Akhuhbe yunirünü api hulipungpung müt, tüsho aru le mo thiyih lung düsahbah alomi kheak keamkhi; alomi shihcham mahsam ching khülang, tüsho sangdungbo shihcham mahsam ching khülang, tüsho sangrung phüyak alala aniuabah.

AMIKHEAKAKHIUKKHI 9:14

hulipungpung shuhkhi athurukpü yunirü ki tha, “Euphra ayung ato ching rhüka lakhi yunirü phüyi dükheang.”

AMIKHEAKAKHIUKKHI 9:4

alomi sangrung yungsho sangdung phüyak asürükhi thsümünimpü yung tüshe arü kingkangbo kheak Thrünpuh mütsanyüm mükihkhi mihtsürübo lang athsümünimpü arü ki tha.