AMIKHEAKAKHIUKKHI 6:8 - AMÜSÜH HÜM CL Bible (BSI)

⁸ Tüsho kheahang, khora amükin khülang inü ngü, tüsho abebuh mung ju Ashekhi lakheah tüsho Athsümüchinü api dunglim yan; tüsho nukshangnü, khümzungnü, arümnü tüsho alomi shiwühbonü asheshihpü shihcham phüyi ching khülang kurungkheak wu jih-a lakheah.

AMIKHEAKAKHIUKKHI 6:8 Iomraidhean Croise

MÜCHITMUDU 5:5

Anihbe jing ashepü ching yüzahchoh, anihbe jingdükübo kiuyuk lim lah.

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

JEREMIA 16:16

Kheakü inü thüngüh-ramrü ahihdo yüshihchoh, Atungpuhnü thachoh, tüsho arünü arübo rambah; tüsho ju dunglim inü shihjimrü ahihdo yüshihbah, tüsho arünü arübo awungbo tüsho awung mujukbo tüsho lunghübo chingnü ajimbah.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 24:10

Tüshe inü nukshang, khümzung, tüsho arüm-tukthsü, inü arü tüsho arü jipürü kilim jihkhi lomi chingnü arübo shahde müdükheakshihyi khiungde arü kheak yüshihbah.

JEREMIA 29:17

Wuto Atungpuhnü ha thachoh, inü arü kheak nukshang, khümzung, arüm-tukthsü arüshihbah, tüsho inü arübo mütsühkhukbe ashuhkhi khubaso nangde akamshihbah.

JEREMIA 43:11

Apinü arübah Ijip lomi kukbah, ashepü akhua larü kilim ashepü, arampü akhua larü kilim arampü tüsho nukshang akhua larü kilim nukshang handarübah.

EZEKIEL 29:5

Inü nü tüsho ayung ching thüngühbo alala sunglo ching jipa bahbah, nü a mükeak ching keambah, tüsho mushuhmukhung tüsho kiuyuka mübah. Alomi shiwühbo tüsho thüning wuhnubo kilim inü nü tsühyungpü jihdo.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

HABAKKUK 2:5

Judüalalashe, yukhunü api thsungyukchoh; api bukmüke tüsho keamramde müla. Tümütüsho apinü Ashe-lomi nangde yihnelunelah; Ashekhi nangde küyimkishe api musuhdah. Apinü nihbuh thsungkheak trükshih alala bemukhungchoh, tüsho arü yo thsüpü mihtsürü alala kitmukhungchoh.

ZEKARIA 6:3

asampü lolungbe ching khora amüyebo tüsho aphüyipü lolungbe ching khorabo aneakjik lakheah.

MATHI 11:23

Tüsho nü, Kapernaum, shepü thüning ching shuhkih-a lanü thsümüchi ching thokhibah; tümüde nü kheak rhimokhi wuto rhimobo Sodom ching rhimokhülaa, ju khihni khiungde laa labah.

MATHI 24:7

Tümütüsho trükshihnü trükshih, tüsho kiulongthsünü kiulongthsü azhihde wusubah. Tüsho dangpung aban ching khümzung, arüm, tüsho muliuyuk labah.

1 KORINT 15:55

“O ashekhi, nü akuk ngükhi küching la? O ashekhi, nü yo thsünübe küching la?”

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 12:4

Api monü thüning kheak chining shihcham mahsam ching khülang phütkhia alomi kheak akishih. Tüsho alibenü zübechoki anihbe tsührü tsühabahpü thsüde, khungarü zübepü lachoki dragon ju alibe miki zhip;

AMIKHEAKAKHIUKKHI 9:15

Jumonü ha kimkhü, nimung, khinu, tüsho kam ching mihtsürü shihcham mahsam ching khülang laksahpü thsakhama zokhi yunirü phüyi ju dükhe.

AMIKHEAKAKHIUKKHI 9:18

Harü arüm mahsam mo, mokhüh tüsho yinchike arü mün chingnü akhiukkhinü mihtsürü shihcham mahsam ching khülang laksah.