AMIKHEAKAKHIUKKHI 6:6 - AMÜSÜH HÜM CL Bible (BSI)

⁶ Tüsho arhang shiwüh phüyi bolungnü düsheak khülang inü so, “Nimung khülang mihkhah dün wheat hi khahngak 1, tüsho nimung khülang mihkhah dün barli khahngak 3; tüshe müdangke tüsho kurungasolu düthsümünim!”

AMIKHEAKAKHIUKKHI 6:6 Iomraidhean Croise

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

MATHI 24:7

Tümütüsho trükshihnü trükshih, tüsho kiulongthsünü kiulongthsü azhihde wusubah. Tüsho dangpung aban ching khümzung, arüm, tüsho muliuyuk labah.

AMIKHEAKAKHIUKKHI 4:6

tüsho kiulongthsübinkiu miki ju lungmüsang ruk meayingpung keto nangde alakheah. Tüsho kiulongthsü-binkiu mükamde, thrip aban arhang shiwühbo, müngüh tüsho dunglim mükbo kihbah alakheah:

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

AMIKHEAKAKHIUKKHI 7:3

“Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.”

AMIKHEAKAKHIUKKHI 9:4

alomi sangrung yungsho sangdung phüyak asürükhi thsümünimpü yung tüshe arü kingkangbo kheak Thrünpuh mütsanyüm mükihkhi mihtsürübo lang athsümünimpü arü ki tha.