AMIKHEAKAKHIUKKHI 6:12 - AMÜSÜH HÜM CL Bible (BSI)

¹² Küyimki apinü ayümdokhi athurukpü khimshuhkhea, inü kheah, tüsho muliuyuk ato lakheah; tüsho ani ju shungliukhim nangde mürakdo, khinu abümnü thiyih nangde kamabah,

AMIKHEAKAKHIUKKHI 6:12 Iomraidhean Croise

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 29:6

Wuto Atungpuhnü tsüngmukde tüsho muliuyuk züngde tüsho atonü alande, chitmühean tüsho chinthrüm, tüsho aniuabahbe motru hode nü rhuakheahbah.

ISAIA 34:4

Thüning kheak chiningbo alala niukrubah, tüsho thüningbo pheak nangde qiuabahbah. Chiningbo alala kurungaso yü yungsho khubaso aso nangde akeamkhibah.

ISAIA 50:3

Inü thüningbo amürak phuyujih, tüsho shungliukhim arü mühiudobe kamshih.

JOEL 2:10

Arü miki alonü niukchoh, thüningbo ajanchoh. Ani tüsho khinu mitinga lah tüsho chiningbonü arü ayin tukloa lah.

JOEL 3:15

Ani tüsho khinu mitinga lah, tüsho chiningbonü ayin mütah.

AMOS 1:1

Tekoa namfimihnu neakrü bolung lakhi Amos yubo, ju apinü Juda kiulongthsüpuh Uzzia tüsho Israel kiulongthsüpuh Jehoash tsührü Jeroboam nimungbo ching Israel dünkheak muliuyuk arüpü kam mahne müngüh lakheah.

AMOS 8:9

Atungpuh Thrünpuhnü thachoh, inü animuro ani yüzahshihbah, tüsho animuro alomi mitingde akamshihbah.

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

MATHI 11:21

“Karazin, nü are! Bethsaida, nü are! Nüsa kheak rhimokhi khinthiyinbebo Tair tüsho Sidon ching rhimokhülaa, arünü müngühnü shungliukhim tüsho awah awuhde mulong müthria labah.

MATHI 24:29

“Jurü nimungbo ching thsümütsü-ato dunglim yanalünde ani mitingde akambah, tüsho khinunü ayin müjihde akambah; thüning chingnü chiningbo keamkhibah, tüsho thüning sühmühbo niukbah.

MATHI 24:7

Tümütüsho trükshihnü trükshih, tüsho kiulongthsünü kiulongthsü azhihde wusubah. Tüsho dangpung aban ching khümzung, arüm, tüsho muliuyuk labah.

MATHI 27:45

Kheakü animuro kim chingnü 3 king khiungde alomi alala ching amiting lakheah.

MATHI 27:54

Küyimki bonungrü torü tüsho api lung aheangrübonü muliuyuk züngkhi tüsho adünjikhi alala ngükhea, arünü khide trede tha, “Atsütsü ha Thrünpuh tsührü thsüa lah!”

MATHI 28:2

Tüsho kheahang, muliuyuk ato khülang lakheah; tümüde Atungpuh yunirü yinmi chingnü aki tüsho lung ju lah-a bahbah ju kheak bin.

MARK 15:33

Küyimki animuro kamkhea, alomi alala ching amiting ju 3 king khiungde la.

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 16:18

Tüsho ju ching chinchobe phürapkhi, düsheakbo, tsüngmukbo, tüsho alomi kheak mihtsürü labah müdünjiakheahkhi muliuyuk khide ato lakheah.

AMIKHEAKAKHIUKKHI 16:8

Aphüyipü yunirünü api phurusük ani kheak dunga bah, tüsho monü mihtsürü takpü ju ki mülüa lakheah;

AMIKHEAKAKHIUKKHI 8:12

Aphüyipü yunirünü api hulipungpung müt, tüsho ani shihcham mahsam ching khülang, khinu shihcham mahsam ching khülang, tüsho chiningbo shihcham mahsam ching khülang kheak lak, junangde arü ayin shihcham mahsam ching khülang mitingde kam; nimung shihcham mahsam ching khülang, tüsho azhing she shihcham mahsam ching khülang jude alakheah.

AMIKHEAKAKHIUKKHI 8:5

Judüki yunirünü mophuru ju lubah kingaün sadam kheak yo mo yuk tüsho alomi kheak jipa bah; tüsho tsüngmukkhibo, düsheakbo, chinchobe phürapkhi, tüsho muliuyuk lakheah.