AMIKHEAKAKHIUKKHI 6:11 - AMÜSÜH HÜM CL Bible (BSI)

¹¹ Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.

AMIKHEAKAKHIUKKHI 6:11 Iomraidhean Croise

DANIEL 12:13

Tüshe nü, nü limro ching yüang, tüsho sühakhimang; akheam nimungbo ching nü thsambah leangkhia lupü nü asürübah.”

MATHI 10:21

Kheakü keoniorünü keoniorü tüsho buhrünü tsührü ashepü ching jihbah; tsührübonü berübuhrü azhihde wusubah tüsho arü asheshihbah.

LUKNÜ ATHRÜTKHI THIYUSHEAK-ATSÜ HUHTANYU 15:22

Tüshe abuhnü yamlarübo ki tha, ‘Nahnah shulünkhim atsübe lude akhiukbah api kheak phuyujang, akhah ching khahrih yukjang tüsho ajing ching jingkhümpü yukjang.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

2 TESALONIKA 1:7

tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

2 TIMOTHI 4:7

Inü thirithsü atsü keochihdo, inü alihkhi bando, inü akin zodo.

IBRI 11:40

tümütüsho Thrünpuhnü tümüanü atsübe isa thsungkheak ngüjung, junangde isa rukhühnü lang arü khiukdahde akamshihpü lakheah.

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,

IBRI 4:10

tümüde shepünü Thrünpuh sühakhim ching yüzahchonü Thrünpuhnü arhimokhi nangde nihbuh rhimobo zokheamchoh.

AMIKHEAKAKHIUKKHI 10:6

tüsho lünnü lün labuh, thüning tüsho ju ching lakhi, alomi tüsho ju ching lakhi, keto tüsho ju ching lakhi thrünrü tamde mashupü thiyuchihchim thsü,

AMIKHEAKAKHIUKKHI 13:15

Akhuhbe shiwüh mejak kilim sheak jihpü api kheak wu jih; junangde junü thiyu thakhukbah tüsho mejak, kingaünpü arochihrü alala laksahpü lakheah.

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,