AMIKHEAKAKHIUKKHI 5:8 - AMÜSÜH HÜM CL Bible (BSI)

⁸ Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;

AMIKHEAKAKHIUKKHI 5:8 Iomraidhean Croise

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

MUNGSHIKHÜN 150:3

Hulipungpung düsheaknü api shiang; khungpi tüsho bingshang bede api shiang!

MUNGSHIKHÜN 33:2

Bingshang bede Atungpuh shiang; aliu-thürü kihkhi bingkhungnü api ki khün khungang.

MUNGSHIKHÜN 43:4

Judüki inü I khide asühkhi Thrünpuh kingaün sadam lim yübah. Tüsho bingshang khungde inü nü shibah, O Thrünpuh, I Thrünpuh.

MUNGSHIKHÜN 81:2

Khün tankihang, züpzüppü kingang, bingshang tüsho bingkhung khungang.

WÜHKHE 7:62

shekel 10 dünkhi arhümthüneabe zahde suna mopungphüh 1;

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

IBRI 1:6

Tüsho kheaküshe apinü adüjibuh ha lomi ching bede arüchoki tha, “Thrünpuh yunirübo alalanü api kingaünshang.”

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 15:2

Judüki meayinpung keto ju mo lung düsahbah akhiuk, tüsho sherünü shiwüh le mejak tüsho amung khekhi kurungkheak akuk ngükheanü, Thrünpuh bingkhungbo shuhbah meayinpung keto yean zhipde inü ngü.

AMIKHEAKAKHIUKKHI 15:7

Tüsho arhang shiwüh phüyi bolung khülang yunirü thüne kilim lünnü lün labuh, Thrünpuh bukakhiukkhinü mide suna phurusükbo thüne jih;

AMIKHEAKAKHIUKKHI 19:4

Tüsho azothsürü mukukheak phüyi tüsho arhang shiwüh phüyinü kiulongthsü-binkiu kheak binkhi Thrünpuh ki khukningde kingaünde tha, “Amen, Halleluya!”

AMIKHEAKAKHIUKKHI 4:10

azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.

AMIKHEAKAKHIUKKHI 4:6

tüsho kiulongthsübinkiu miki ju lungmüsang ruk meayingpung keto nangde alakheah. Tüsho kiulongthsü-binkiu mükamde, thrip aban arhang shiwühbo, müngüh tüsho dunglim mükbo kihbah alakheah:

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

AMIKHEAKAKHIUKKHI 5:11

Judüki inü kheah, tüsho kiulongthsü-binkiu, shiwühbo, tüsho azothsürübo mükamde yunirü ahihkhüh chithürübo tüsho chithürü thürübo düsheak inü so.

AMIKHEAKAKHIUKKHI 5:12

Arünü düsheak achangnü khün thsü, “Wu, lakhit, lümlung, sühmüh, wüntre, müretah tüsho müngühmühi leangkhipü alaksahkhi Namfimihnunu athülün lah!”

AMIKHEAKAKHIUKKHI 5:14

Tüsho arhang shiwühbo phüyinü tha, “Amen!” Tüsho azothsürübonü khukningbah kingaün.

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;

AMIKHEAKAKHIUKKHI 6:1

Kheakü Namfimihnununü ayümdokhi thüne bolung khülang khimshuhde inü ngü tüsho shiwüh phüyi bolung khülangnü tsüngmuk düsheak nangde athakhi inü so, “Arang!”