AMIKHEAKAKHIUKKHI 5:12 - AMÜSÜH HÜM CL Bible (BSI)

¹² Arünü düsheak achangnü khün thsü, “Wu, lakhit, lümlung, sühmüh, wüntre, müretah tüsho müngühmühi leangkhipü alaksahkhi Namfimihnunu athülün lah!”

AMIKHEAKAKHIUKKHI 5:12 Iomraidhean Croise

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

AMIKHEAKAKHIUKKHI 1:6

tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

AMIKHEAKAKHIUKKHI 19:1

Ha dunglim yinmi ching yimto ato düsheak zhikhi nangde inü so, “Halleluya! Akhümkhit, müretah tüsho wu isa Thrünpuh yo,

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”

AMIKHEAKAKHIUKKHI 5:13

Tüsho yinmi ching, alomi kheak, keto ching tüsho alala ching shiwühbo abannü athakhi inü so, “Kiulongthsü-binkiu kheak binbuh tüsho Namfimihnunu kilim müngühmühi, wüntre, müretah tüsho sühmüh lünnü lün laang!”

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,

AMIKHEAKAKHIUKKHI 6:1

Kheakü Namfimihnununü ayümdokhi thüne bolung khülang khimshuhde inü ngü tüsho shiwüh phüyi bolung khülangnü tsüngmuk düsheak nangde athakhi inü so, “Arang!”

AMIKHEAKAKHIUKKHI 7:12

tha, “Amen! Müngühmühi, müretah, lümlung, makshejihkhi, wüntre, wu tüsho sühmüh lünnü lün isa Atungpuh yo thsang! Amen.”