AMIKHEAKAKHIUKKHI 4:7 - AMÜSÜH HÜM CL Bible (BSI)

⁷ akhuhbe arhang shiwüh ju kekhüzü nangde, mahnepü arhang shiwüh moshipung nangde, asampü arhang shiwüh mihtsürü miro kihde, tüsho aphüyipü arhang shiwüh ju aphinkhi müleang nangde alakheah.

AMIKHEAKAKHIUKKHI 4:7 Iomraidhean Croise

THRÜNTAN 49:9

Juda a kekhüzü nunu nangde lah; I tsah-a, nü shih limnü alode arüdo. Kekhüzü nangde apinü züngzhichoh tüsho yapchoh, kekhüzü dreto nangde–shepünü api yihmusukhukba?

2 SAMUEL 1:23

Saul tüsho Jonathan, amuzhodakkhi tüsho atsüdak! Rhangdung lachoki tüsho ashechoki ane mazü; ane müleangtopü kheaknü athribe lakheah, ane kekhüzübo kheaknü sühmüh lakheah.

MÜCHITMUDU 28:2

Tümütüsho lomi thsümünimkhinü, yakzanshuhrü hihde lah; tüshe anikhitkhi tüsho mükheahmudu mihtsürünü thiyukhüm ahorichoh.

ISAIA 40:31

tüshe sherünü Atungpuh aleangchonü arü sühmüh aso kambah, arünü müleangbo nangde ghibonü aphinbah, arünü alihbah tüsho mükeak, arünü atsahbah tüsho sühmükeakea.

EZEKIEL 1:10

Arü miro kheahpü ju ha ruk: Phüyi abande mihtsürü miro lakheah, tüsho tsülim thrip abande kekhüzü miro, tüsho huzulim thrip moshipung miro lakheah; kheaküshe abande müleang miro lakheah.

EZEKIEL 1:8

Arü thrip phüyi kheak arü ghidükeang khüp ju mihtsürü khahbo lakheah. Arü phüyi alala mirobo tüsho ghidükeangbo lakheah,

EZEKIEL 10:14

Cherubim abande miro phüyi lakheah: Khülang miro ju cherub nangde, mahnepü ju mihtsürü miro, mahsampü ju kekhüzü miro, tüsho phüyipü ju müleang miro lakheah.

EZEKIEL 10:21

Arü aban miro phüyi tüsho ghidükeang phüyi lakheah, tüsho arü ghidükeangbo khüp ju mihtsürü khah nangde lakheah.

DANIEL 7:4

Akhuhbe ju kekhüzü nangde tüsho müleang ghidükeang kihbah alakheah. Jushu, inü kheahshe, aghibo ju dukkhi, tüsho alo kheaknü ju shuhkih tüsho mihtsürü nangde jing mahnenü zhip; tüsho ju kheak mihtsürü mulong jih-a lakheah.

OBADIA 1:4

Nünü müleang nangde phinkihkih she, nü sap chining bolung lalashe, inü nü ju chingnü thokhibah, Atungpuhnü thachoh.

WÜHKHE 23:24

Kheahang, mihtsürübonü kekhüzü nangde asürüchoh; tüsho kekhüzü nangde zangrü zuhmusuchoh; shiwüh mütsühkhamchoki tüsho alaksahkhi thiyih muyungyikia mübinkheam.”

WÜHKHE 24:9

Kekhüzü nangde arünü khukningchoh, tüsho zuh-a yapchoh, kekhüzü dreto nangde shepünü arü yihmusukhukpü? Shepünü nü müngühjihbanü müngühmühi, tüsho shepünü athrubanü athrubah.”

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.

AMIKHEAKAKHIUKKHI 4:6

tüsho kiulongthsübinkiu miki ju lungmüsang ruk meayingpung keto nangde alakheah. Tüsho kiulongthsü-binkiu mükamde, thrip aban arhang shiwühbo, müngüh tüsho dunglim mükbo kihbah alakheah:

AMIKHEAKAKHIUKKHI 6:3

Küyimki apinü ayümdokhi mahnepü khimshuhkhea, mahnepü arhang shiwühnü thade inü so, “Arang!”

AMIKHEAKAKHIUKKHI 6:5

Küyimki apinü ayümdokhi mahsampü khimshuhkhea, mahsampü arhang shiwühnü thade inü so, “Arang!” Tüsho kheahang, khora amürak khülang, abebuh khah ching adünarabe khülang shuhbah alakheah;

AMIKHEAKAKHIUKKHI 6:7

Küyimki apinü ayümdokhi aphüyipü khimshuhkhea, aphüyipü arhang shiwühnü thade inü so, “Arang!”