AMIKHEAKAKHIUKKHI 4:1 - AMÜSÜH HÜM CL Bible (BSI)

¹ Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”

AMIKHEAKAKHIUKKHI 4:1 Iomraidhean Croise

ABEKHIT 1:1

Jakob tsührübo api lung nihbuh yamkhün bede ayükhi harü lakheah:

ABEKHIT 19:24

Judüki Atungpuhnü api ki alo, “Tsoang, yükiang tüsho Aron nüke atuang. Tüshe amükeamrübo le mihtsürübo Atungpuh kilim atupü akishak dühoshih, jude yungsho apinü arü thsümüchibah.”

ABEKHIT 24:12

Atungpuhnü Mosa ki tha, “I kilim müzüng kheak atuang tüsho ju ching aleangang; tüsho inü nü kilim inü athrütkhi lungbeakbo, yakzan tüsho thiyukhümbo nünü arü ki thsangyushihpü jihbah.”

MÜCHITMUDU 25:7

apinü nü ki, “Ha ching akihang,” de athakhi ju nü mükbonü angükhi yakzanshuhrü miki nü abobe kamkhi kheaknü atsübe labah.

EZEKIEL 1:1

Kam samrüpü, khinu phüyi ching, nimung phüngü nipü, I Kebar Ayung ki ramtsorü bolung lachoki, yinmibo khimshuhkhi inü ngü, tüsho inü Thrünpuh michihbo ngü.

MATHI 3:16

Küyimki Jisu baptikhea, apinü ke chingnü nahde akhiuk; tüsho kheahang, api kilim yinmibo khimshuh, tüsho Thrünpuh Me müthrithrümpü nangde api kheak aki keamde apinü ngü.

MARK 1:10

Jisu ke chingnü akhiukde alachoki, thüning khimshuhbah müthrithrümpü nangde api kheak Me akikhi ngü.

LUKNÜ ATHRÜTKHI THIYUSHEAK-ATSÜ HUHTANYU 3:21

Kheakü küyimki mihtsürü alala, tüsho Jisu she baptibah tamkhüntamnüde alakhea, thüning khimshuh-a lakheah,

JOHAN 16:13

Judüalalashe, küyimki thiyuro Me arübanü apinü nüsa thiyuro alala ching bebah; tümüde apinü nihbuh thiyukhümsühmühnü mütha, tüshe tümüpürü apinü asobanü athabah; tüsho adünjipü lakhi apinü nüsa ki thabah.

YUNIRÜBO RHIMO 10:11

Apinü thüning khimshuhbah, tümüanü pheak ato nangde amünkheam phüyi kheaknü alomi kheak akishihde ngü.

YUNIRÜBO RHIMO 7:56

tüsho apinü tha, “Kheahang, yinmi khimshuhkhi, tüsho Thrünpuh khah tsülim Mihtsürü Tsührü zhipkhi inü ngüchoh.”

AMIKHEAKAKHIUKKHI 1:10

I Atungpuh nimung Me ching lakheah, tüsho hulipungpung nangde düsheak achangnü I dunglim so,

AMIKHEAKAKHIUKKHI 1:12

Judüki I ki asukkhi düsheak kheahpü inü rholo, tüsho suna tsünpung dubopung thüne ngü,

AMIKHEAKAKHIUKKHI 1:19

Kheakü nünü tümü ngücho, tümü la tüsho ha dunglim tümü dünjipü lanü thrütang.

AMIKHEAKAKHIUKKHI 11:12

Judüki yinmi chingnü düsheak achangnü ane ki thakhi so, “Halim akihang!” Tüsho ane riribo mikinü anenü amo chingnü yinmi lim yükih.

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 16:17

Athünepü yunirünü api phurusük apung ching dunga bah, tüsho arüngyam ching, kiulongthsübinkiu chingnü düsheak achangnü akhiukde tha, “Ha rhimodo!”

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 22:6

Tüsho apinü I ki tha, “Harü yubo akin-labe tüsho thiyuro. Tüsho Atungpuh, wukihrübo mebo Thrünpuhnü nahde adünjipü lakhi api tankihrübo ki huhshihpü api yunirü arüshih.