AMIKHEAKAKHIUKKHI 3:9 - AMÜSÜH HÜM CL Bible (BSI)

⁹ Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.

AMIKHEAKAKHIUKKHI 3:9 Iomraidhean Croise

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

ABEKHIT 11:8

Tüsho nü yamlarübo alalanü I ki arübah athabah, ‘Nü tüsho nü lung yürü alala wukhiukang!’ Jushu I wukhiukbah.” Tüsho Pharao mikinü apinü khide bukakhiukde wukhiuk.

ISAIA 43:4

Tümütüsho nü I miki shoto lah, tüsho akinashu lah, tüsho inü nü muzholah, inü nü müthri mihtsürübo, nü rhangdung müthri trükshihbo jihchoh.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

JOHAN 17:23

I arü lung lah, tüsho nü I lung lah; junangde arübo khülang tsütsü kambah, junangde nünü I thiyikheah, tüsho nünü I muzhokhi nangde arü muzhodo de alominü amükheahbah.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

1 SAMUEL 2:36

Nü yamkhün ching aninga larübonü shotoyinchi kheam yungsho yikhap kheangde api ki mushude arübah, tüsho athabah, Muzhobah amükeamrü rhimo ching I yüzahshang, junangde inü yikhapkheam tsühanü.’ ”