AMIKHEAKAKHIUKKHI 3:7 - AMÜSÜH HÜM CL Bible (BSI)

⁷ “Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.

AMIKHEAKAKHIUKKHI 3:7 Iomraidhean Croise

JOB HU H T ANYU 11:10

Api arübah nü rihyam ching binshihkhülaa, tüsho mahkhappü thsungkheak jimukhungkhülaa, shepünü api zhipdokhukpü?

JOB HU H T ANYU 12:14

Apinü kukruk khülang thsümünimsho shenü müthsülokhuk; apinü mihtsürü khülang ramyuksho shenü müdükhekhuk.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 16:10

Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

MUNGSHIKHÜN 89:18

Tümüde isa tsung ju Atungpuh yo ah, tüsho isa kiulongthsüpuh Israel Amüsüh Khülang kilim lah.

ISAIA 22:22

Inü api dubuh kheak David yamkhün yo mükhipmürabe yihkihjihbah; junangde apinü akhimshuhbah, tüsho shenü mürih; tüsho apinü arihbah, tüsho shenü mükhimshuh.

ISAIA 30:11

limro chingnü tsoang, limtsahpung chingnü tsahhuhang, isanü kheaküa Israel yo Amüsühbuh Khülang dünkheak musonü.”

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 41:20

Junangde alalanü angübah tüsho mükheahbah, alalanü lümakheahbah tüsho anikhitbah, junangde Atungpuh khahnü ha rhimoa lah, Amüsüh Israel Thrünpuhnü ha thrüna lah.

ISAIA 47:4

Isa Rhokhitrü– Wuto Atungpuh ju api mung– Israel Amüsüh Thrünpuh.

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

MATHI 16:19

Inü nü kilim yinmi kiulongthsü mükhipbebo jihbah, tüsho tümüpürü nünü alomi kheak rhükbanü yinmi ching rhükbah, tüsho tümüpürü nünü alomi kheak trünbanü yinmi ching trünbah.”

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

LUKNÜ ATHRÜTKHI THIYUSHEAK-ATSÜ HUHTANYU 1:32

Api ato labah tüsho Khide Achang tsührü de ajibah; tüsho Atungpuh Thrünpuhnü api kilim apü David kiulongthsübinkiu jihbah.

LUKNÜ ATHRÜTKHI THIYUSHEAK-ATSÜ HUHTANYU 4:34

“Ah! Nazarethrü Jisu, nünü isa kheak tümü thsüba? Nü isa dükheakshihpü arükhea de? Nü sheanü inü mükheahlah–Israel Thrünpuh yo Amüsüh Khülang ah.”

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

YUNIRÜBO RHIMO 3:14

Tüshe nüsanü Amüsüh tüsho Thiyuro-lungkibuh bahyuk, tüsho mihlaksahrü nüsa kilim dükheshihpü kheang,

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

AMIKHEAKAKHIUKKHI 16:7

Tüsho kingaün sadam chingnü azhikhi inü so, “Am, Wuto Atungpuh Thrünpuh thiyuro tüsho nü mahkhapkhibo alungki lah!”

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.

AMIKHEAKAKHIUKKHI 21:5

Tüshe kiulongthsü-binkiu kheak binbuhnü tha, “Kheahang, inü alala aso kamshihchoh.” Apinü thalo, “Ha thrütang, tümüde harü yubo akin labe tüsho thiyuro.”

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”