AMIKHEAKAKHIUKKHI 3:2 - AMÜSÜH HÜM CL Bible (BSI)

² Asürang, tüsho aningkhibo tüsho ashepü thsüde alakhi düküngshang, tümüde I Thrünpuh miki inü nü rhimobo thülünde müngü.

AMIKHEAKAKHIUKKHI 3:2 Iomraidhean Croise

1 KIULONG THSÜRÜ 11:4

Tümüde küyimki ashinbuhrü kamkhea, api niuberübonü api mulong arü thrünpuhbo kilim bephülap; tüsho abuh David mulong nangde api mulong ju Atungpuh api Thrünpuh kilim thiyuro mülakheah.

1 KIULONG THSÜRÜ 15:3

Anihbuh abuhnü api müngüh rhimokhi nangde apinü neak alala yihbeak; abuh David mulong nangde, api mulong ju Atungpuh api Thrünpuh kilim thiyuro mülakheah.

2 KIUTHSÜYUKHEAN 25:2

Apinü Atungpuh miki alungki rhimo, tütüshe thiyuro mulongnü yung.

JOB HU H T ANYU 16:5

I münnü nüsa düküngshihbah tüsho I münküpnü shukheamkhinü nüsa mulong rozhak sühakhimshihbah.

ISAIA 35:3

Khah sühmüh mülarü reangzahshang tüsho mukhuk niknikrü düküngshang.

ISAIA 56:10

Israel aheangrübo mük tuka lah, arü alala amükheah müla; arü alala müchikhukbe aduh yihnubo ah; milim mide awuh-a yapde, yapnekudopü muzhochoh.

ISAIA 57:12

Inü nü thiyuro-lungki tüsho nü rhimobo lahkhita huhbah, tüshe arünü nü murung.

EZEKIEL 34:16

Inü adükheakkhi yimbah, tüsho inü hiumüzütkhi belode arübah, tüsho inü yurikhi rümjihbah, tüsho tukthsükhi inü düküngshihbah, tüshe amüdangkhi tüsho reangzahkhi inü thsümünimbah. Inü thiyuronü arü yimkipbah.

DANIEL 5:27

T E K E L, adünarabe kheak nü adünakheahdo tüsho mukhiukde ngüdo;

ZEKARIA 11:16

Tümüde kheakü lomi ching inü, adükheakkhi müküm, yungsho rümde atsahkhi müyim, yungsho yurikhi müthsüngu, yungsho ashih kihkhi müyimkip, tüshe ashih kihkhi shih tsühde, arü biuo she achakrüpshihpü lakhi namfimihnu neakrü khülang asürüshihchoh.

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;

MATHI 25:13

Jumonü kurhangang, tümüde Mihtsürü Tsührü arüpü nimung yungsho kim nüsanü mümükheah.

MATHI 25:7

Judüki atsangkhit anünürü alala asürü tüsho arü tsünpung atünado.

YUNIRÜBO RHIMO 18:23

Apinü ju ching anükhüh kheak bin tüsho Galatia tüsho Phrygia lomi dangpung khülang chingnü püpü ching yüde akinrü alala düküngshih.

YUZÜNGTHALO 3:28

Tüshe Jihusua ki thiyukhüm jihang, tüsho api mulong tuthsukde reangzahshang, tümüde api ha mihtsürü müngüh yübah, tüsho apinü arü kilim nünü angükhi lo lushihbah.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

AMIKHEAKAKHIUKKHI 2:4

Tüshe inü ha nü azhihde alakhi ju, nünü akhuhde amuzho lakhi bahyukdo.

AMIKHEAKAKHIUKKHI 3:1

“Tüsho Sardis ching borü yunirü kilim thrütang: ‘Thrünpuh mebo thüne tüsho chining thüne labuh yubo. “ ‘Inü nü rhimobo mükheahlah; nü arhang larü mung lah, tüshe nü a shea lah.

AMIKHEAKAKHIUKKHI 3:3

Jumonü nünü tümü leangkhikhea tüsho asokheanü lümkhitang; ju mihyuaniang, tüsho mulong müthriang. Nünü masürüsho, ahührü nangde I arübah, tüsho tümü kim ching I nü kilim arübanü nünü mümükheah.