AMIKHEAKAKHIUKKHI 3:19 - AMÜSÜH HÜM CL Bible (BSI)

¹⁹ Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.

AMIKHEAKAKHIUKKHI 3:19 Iomraidhean Croise

2 SAMUEL 7:14

I api abuh thsübah, tüsho api I tsührü thsübah. Küyimki apinü amülim rhimobanü, mihtsürünü shuhbah arhapbe tsonü api thsümüchibah.

JOB HU H T ANYU 5:17

Thrünpuhnü thsülangjihrü küdükhüh asühpü; jumonü Wuto yakli mükhemükim düthsü.

MUNGSHIKHÜN 39:11

Nünü mihtsürü neak dünkheak thürühchoh tüsho thsangdanchoh; api akhamkhi ari nangde dükheakshihchoh; tsükjide mihtsürü ju kesheak ah.

MUNGSHIKHÜN 6:1

O Atungpuh , nü bukakhiukkhi ching I düthürüh, yungsho nü mulong zhipzhip ching I düthsümüchi.

MUNGSHIKHÜN 69:9

Nü arüngyam mürheangkhinü I aniuabahdo, tüsho nü mükhemükimrünü mükhemükimkhi I kheak akihdo.

MUNGSHIKHÜN 94:10

Shepünü trükshihbo khuhlanga huhchonü, shepünü mükheahmudu thsangyuchonü, apinü müthsülangba de?

MÜCHITMUDU 15:10

Müküpde adanyukkhi ju limro bahyukrü thsungkheak lah, tüsho shepünü athsülangkhi thraneanchonü ashebah.

MÜCHITMUDU 15:32

Shepünü adanyukkhi amümürang thsüchonü nihbuh mükhemükimchoh, tüshe shepünü thsülangkhi anichonü anikhitkhi alü thsüchoh.

MÜCHITMUDU 22:15

Makhakhi ju azürü mulong ching rhükkih-a lah, tüshe adanyukbe tsonü api kheaknü limshude tsoshihchoh.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

JEREMIA 10:24

I thsülangang, O Atungpuh , tüshe thiyuro akekhi chingnü; nü bukakhiukkhi ching yung, jude yungsho nünü I akeangkeang kamshihbah.

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 31:18

Atsütsü Ephraimnü mushukhi inü sodo: “ Nünü I danyuk, tüsho inü adanyukkhi lu; I a müthsangmuyukhi moshi nunu khülang ruk lakheah. I belodarang, I alode arüshang, tümüde nü a Atungpuh I Thrünpuh.

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

ZEPHANIA 3:2

Hanü tümü düsheak mani; hanü athsülangkhi müleangkhi. Hanü Atungpuh kheak mükin; hanü nihbuh Thrünpuh kilim phünide müyü.

MATHI 25:7

Judüki atsangkhit anünürü alala asürü tüsho arü tsünpung atünado.

JOHAN 2:17

Judüki api jingyanrübonü ha thrüta lakhi lümkhit, “Nü yam mürheangkhinü I aniuabahdo.”

ROMRÜ KILIM PAULNÜ ATHRÜTKHI KIHÜM HUHTANYU 12:11

Küyimkishe mükünmuthsung düthsü, Me ching düküngde Atungpuh tankihang.

1 KORINT 11:32

Tüshe küyimki Atungpuhnü isa yukhapbanü, isa danyuka lah, junangde alomi lung isa mübahyuk.

2 KORINT 6:9

mümükheahde la, tüshe tsüde mükheahabah; shede la, tüsho kheahang isa arhang lah; thsümüchia la, tüshe mülaksah;

2 KORINT 7:11

Ha Thrünpuh lümkhi yande mulong tukthsükhinü nüsa kheak tümü akhiukshih-a lanü kheahang: azhihayihkhi, nüsa müsühde alapü mulongdakkhi, thiyuro, bukakhiukkhi, lamlamsahdo, künsahde, lümrhihpü, thiyuro rhimo kheahpü thsakham. Hadürü alala ching nüsa müsühde alakhi mütsan.

GALATIA 4:18

Atsü ching a, I nüsa lung lachoki lang yungde kamruhroro tsüpü yihnüpü lah.

YUZÜNGTHALO 8:5

Jumonü nüsa mulong ching mükheahang, mihtsürü khülangnü atsührü danyukkhi nangde, Atungpuh nüsa Thrünpuhnü nüsa danyukchoh.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

AMIKHEAKAKHIUKKHI 2:5

Nü tümü chingnü ayoa lanü lümkhitang, tüsho nünü akhuhde arhimokhi rhimoang. Nünü mulong mümüthrisho, I nü kilim arübah tüsho nü tsünpung dubopung azopungnü luakhinbah.