AMIKHEAKAKHIUKKHI 3:18 - AMÜSÜH HÜM CL Bible (BSI)

¹⁸ Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.

AMIKHEAKAKHIUKKHI 3:18 Iomraidhean Croise

MUNGSHIKHÜN 107:11

tümütüsho arünü Thrünpuh yubo azhih, tüsho Khide Achang lümthiyan bahyuk,

MUNGSHIKHÜN 16:7

Inü Atungpuh shichoh, tümütüsho apinü I bechoh, tüsho azhing ching I lümkhinü I ki thachoh.

MUNGSHIKHÜN 32:8

Nü yüpü limro inü nü ki thsangdanbah tüsho thsangyubah; I müknü inü nü kheahbah.

MUNGSHIKHÜN 73:24

Nü lümthiyannü I bebah, tüsho ju dunglim müretahkhi lim I leangkhia lubah.

MÜCHITMUDU 1:25

tümütüsho inü thsangdankhi alala nünü animuwuhabah tüsho inü athürühkhi müleangkhi,

MÜCHITMUDU 1:30

arünü inü thsangdankhi müleangkhi tüsho inü athürühkhi bahyuk,

MÜCHITMUDU 19:20

Lümthiyan aniang tüsho thsangdankhi leangkhiang, junangde nü arübe nimungbo ching nü lümlung labah.

MÜCHITMUDU 23:23

Thiyuro thuloang, tüsho ju düyin; lümlung thsangdankhi tüsho anikhitkhi ngüang.

T H S AN GYU T H S AN GR ARÜ 8:2

Thrünpuh ki thiyuchihchimkhi hode kiulongthsüpuh yukhüm rhimoang.

ISAIA 47:3

Nü bünkeang labah, tüsho achih ngübah. Inü royimbah, tüsho inü she maningshih.

ISAIA 55:1

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

JEREMIA 13:26

Inü nü rungthsün nü miro kheak lahkihbah, tüsho nü achih ngübah.

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

MIKA 1:11

Shaphir ching larübo, bünkeang tüsho achih ngüde nüsa limro ching yüang; Zaanan ching larübo mikhuh ching marü; Eth-ezel mulong rozhakchoh tüsho atsunglobe nüsa kheaknü alubah.

NAHUM 3:5

inü nü azhihde lah, Wuto Atungpuhnü thachoh, tüsho nü rungthsün nü miro kheak lahkihjihbah; tüsho inü trükshihbonü nü bünkeang kheak tüsho kiulongthsübonü nü achih ngükhi kheahshihbah.

MALAKI 3:3

api ju atsangkhitbe tüsho shotoyinchi tsangkhitbe nangde abinbah tüsho apinü suna le shotoyinchi tsangkhitkhi nangde Levi tsühsoniusobo tsangkhitbah, junangde arünü thiyuro-lungki ching Atungpuh kilim kingaünbo hande arübah.

MATHI 13:44

“Yinmi kiulongthsü ju mihtsürü khülangnü ngübah thulu ching rama-lakhi rahpung kiphahlah; ju kheak asühkhinü apinü yüchoh tüsho api lakhi alala yinbah ju lu thulochoh.

MATHI 25:9

Tüshe lümlung larübonü alo, ‘Muh, isa le nüsa chido thsungkheak musuhdah; judüpü dün a ayinrü kilim yübah nüsa thsungkheak thuloang.’

LUKNÜ ATHRÜTKHI THIYUSHEAK-ATSÜ HUHTANYU 12:21

Jumonü shepünü nihbuh thsungkheak lakhit zomukhungchonü, Thrünpuh kilim alarü yung.”

2 KORINT 5:3

junangde ju phuyukhinü isa bünkeang müngüde alabah.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

AMIKHEAKAKHIUKKHI 19:8

alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.

AMIKHEAKAKHIUKKHI 7:13

Judüki azothsürü bolung khülangnü I ki keokhi, “Harü shulünkhim amüye yihkhibo ha sherü a, tüsho arü küchingnü arükhea?”