AMIKHEAKAKHIUKKHI 3:14 - AMÜSÜH HÜM CL Bible (BSI)

¹⁴ “Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.

AMIKHEAKAKHIUKKHI 3:14 Iomraidhean Croise

THRÜNTAN 49:3

Reuben, nü I tsührü adüjibuh, I sühmüh, tüsho I sühmüh akhuh sangaso, wüntre ching hodaklah, wu ching hodaklah.

MÜCHITMUDU 14:5

Thiyuro lakhi thiyumütsannü akeangyu mütha, tüshe arükchih thiyumütsannü akeangyu thachoh.

MÜCHITMUDU 8:22

Atungpuhnü api yo akhuhbe rhimo thsüde adüso api rhimobo müngühnü I handarü;

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

ISAIA 65:16

Judüki sherünü lomi ching müngühmühi kheangbanü thiyuro Thrünpuhnü müngühjihbah, tüsho sherünü lomi ching thiyuchihchimbanü thiyuro Thrünpuh damde thiyuchihchimbah; tümütüsho akhuhlim küpkhuk mihdo tüsho I mük kinü rama lah.

JEREMIA 42:5

Arünü alode Jeremia ki tha, “Atungpuh nü Thrünpuhnü isa thsungkheak nü hode thiyukhüm jihkhi yande lüpdükhi isanü mürhimosho Atungpuh thiyuro lashang tüsho isa azhihde athülünkhi thiyumütsan thsüshang.

JOHAN 1:3

Lüpdükhi api hode thrün tüsho thrüna lakhi ching api mübede tümü she mülakheah.

JOHAN 8:14

Jisunü arü ki alo, “Inü I küdah thsüde thiyumütsan thsüthsü she, I thiyumütsan thiyuro ah tümüde I küchingnü arükhea tüsho I küching yüchonü inü mükheahlah; tüshe I küchingnü arücho tüsho I küching yüchonü nüsanü mümükheah.

2 KORINT 1:20

Tümüde Thrünpuhnü alokhikhi alala api kheak “Am” ngüchoh. Jumonü isanü api hode Thrünpuh müretahpü lim “Amen” de thachoh.

YUZÜNGTHALO 21:17

Tüshe apinü mümuzhokhi niuberü kheak yo tsührü adüjibuh kilim api lakhi shihcham mahne kinü alü jihde mütsanmükhibeah, tümüde api ju anihbuh sühmüh atankih ah; adüjibuh yo alim ju api yo.

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

KOLOSI 1:18

Api ju borü, pang yo aku ah; api ju atankih, asherü bolungnü adüjibuh, junangde lüpdükhi ching apinü kihokhi labah.

KOLOSI 2:1

Nüsa tüsho Laodikea ching larü le I miro müngürü alala thsungkheak inü küdükhüh tode mürangchonü nüsanü mükheahshihnelah,

KOLOSI 4:16

Tüsho küyimki ha kihüm nüsa bolung khebanü, Laodikea arüngyam ching she kheang; tüsho nüsanü Laodikearü kihüm she kheang.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:13

I Alpha tüsho Omega, akhuhbuh tüsho ashubuh, atankih tüsho akheam.”

AMIKHEAKAKHIUKKHI 22:6

Tüsho apinü I ki tha, “Harü yubo akin-labe tüsho thiyuro. Tüsho Atungpuh, wukihrübo mebo Thrünpuhnü nahde adünjipü lakhi api tankihrübo ki huhshihpü api yunirü arüshih.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.