AMIKHEAKAKHIUKKHI 22:8 - AMÜSÜH HÜM CL Bible (BSI)

⁸ I Johannü harü so tüsho ngü. Tüsho küyimki inü jurü sobah angükhea, I ki huhbuh yunirü jing ki kingaünpü inü mükhüm;

AMIKHEAKAKHIUKKHI 22:8 Iomraidhean Croise

DANIEL 2:46

Judüki kiulongthsüpuh Nebukednezarnü Daniel miki khukning tüsho api ki wüntre jih tüsho arünü anihbuh kilim kingaünbo tüsho rhümthüneabe jihshihpü thiyukhüm jih.

YUNIRÜBO RHIMO 10:26

Tüshe Peternü api thomusude tha, “Zhipang; I she mihtsürü lang ah.”

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 19:19

Tüsho khora kheak binbuh le api bonungrü bede thirithsüpü shiwüh tüsho alomi kiulongthsürübo arü bonungrü bede amukhungkhi inü ngü.