AMIKHEAKAKHIUKKHI 22:6 - AMÜSÜH HÜM CL Bible (BSI)

⁶ Tüsho apinü I ki tha, “Harü yubo akin-labe tüsho thiyuro. Tüsho Atungpuh, wukihrübo mebo Thrünpuhnü nahde adünjipü lakhi api tankihrübo ki huhshihpü api yunirü arüshih.

AMIKHEAKAKHIUKKHI 22:6 Iomraidhean Croise

THRÜNTAN 41:32

Tüsho milim ju Pharao ki mahne ki huhdo, tümütüsho Thrünpuhnü ha thsakhama lah, tüsho Thrünpuhnü ha nahde adünjishihbah.

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

MATHI 13:41

Mihtsürü Tsührünü api yunirübo thiyibah, tüsho arünü api kiulongthsü chingnü neak yihbeakshihrü tüsho amütsü rhimorü alala bemukhungbah,

LUKNÜ ATHRÜTKHI THIYUSHEAK-ATSÜ HUHTANYU 1:70

adüsonü alakhi api yo amüsüh wukihrübo mün hode apinü asukkhi nangde,

LUKNÜ ATHRÜTKHI THIYUSHEAK-ATSÜ HUHTANYU 16:16

“Yakzan tüsho wukihrübo ju Johan khiungde alakheah. Ju kim chingnü Thrünpuh kiulongthsü thsangyuthsangrade arüdo, tüsho mihtsürü abannü ju ching yüzahpü nanachihchoh.

YUNIRÜBO RHIMO 12:11

Peter ju müsüde arü tüsho tha, “Atungpuhnü api yunirü thiyibah Herod le Jihudarünü mükkin thsükhi alala chingnü I bekhitdo de kheakü inü mütsando.”

YUNIRÜBO RHIMO 3:18

Tüshe wukihrübo alala mün hode Khrista thsünüpü Thrünpuhnü tümü thajungkheanü ha dünjido.

ROMRÜ KILIM PAULNÜ ATHRÜTKHI KIHÜM HUHTANYU 1:2

amüsühyubo ching api wukihrübo hode atannü apinü alokhikhi,

1 KORINT 14:32

tüsho wukihrü mebo ju wukihrübonü adanyukkhi khüp labah.

1 KORINT 7:29

Keoniorübo, ju amütsan akhukhi kim khide khihabahdo; kheakünü rünbah sherü niuberü lanü arünü mülakhi nangde,

2 TESALONIKA 1:7

tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

IBRI 12:9

Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea?

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

2 PETER 3:2

junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 19:9

Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.”

AMIKHEAKAKHIUKKHI 21:5

Tüshe kiulongthsü-binkiu kheak binbuhnü tha, “Kheahang, inü alala aso kamshihchoh.” Apinü thalo, “Ha thrütang, tümüde harü yubo akin labe tüsho thiyuro.”

AMIKHEAKAKHIUKKHI 21:9

Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.”

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”

AMIKHEAKAKHIUKKHI 22:7

Tüsho kheahang, I nahde arüchoh.” Shepünü ha hüm müchitkhi yubo zochonü müngühmühi.

AMIKHEAKAKHIUKKHI 4:1

Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”