AMIKHEAKAKHIUKKHI 22:4 - AMÜSÜH HÜM CL Bible (BSI)

⁴ arünü api miro ngübah, tüsho arü kingkangbo kheak api mung labah.

AMIKHEAKAKHIUKKHI 22:4 Iomraidhean Croise

JOB HU H T ANYU 33:26

Apinü Thrünpuh ki tamkhüntamnübah tüsho apinü api kheak asühbah, apinü api jak asühde akheahbah, tümüde apinü mihtsürü kilim api thiyuro-lungki jihlochoh.

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 4:6

Ahihkhühnü thachoh, “Shenü isa ki atsü huhba?” Atungpuh , nü miro ayin isa kheak tahshang.

MUNGSHIKHÜN 42:2

I menü rhangdung Thrünpuh thsungkheak kethürichoh. Küyimki I Thrünpuh miki yüba?

ISAIA 33:17

Nüsa mükbonü kiulongthsüpuh api akhamkhi ching ngübah; arünü limshude alakhi lomi chinzhinbah.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

EZEKIEL 33:23

Atungpuh yu I ki arü:

MATHI 5:8

Mulong müsühde alarübo asühpü, tümüde arünü Thrünpuh ngübah.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

1 KORINT 13:12

Tümüde kheakü isanü meayinpung ching thrimthrimde ngüchoh, tüshe judüki isanü mironü miro ngübah. Kheakü inü chama lang mükheahlah; judüki I mükheahrama lakhi nangde inü mükheahramde amükheahbah.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

AMIKHEAKAKHIUKKHI 14:1

Judüki inü kheah, tüsho Zion Müzüng kheak Namfimihnunu zhipde alakheah; api lung anihbuh mung tüsho Abuh mung arü kingkang kheak thrütkhi mihtsürübo 144,000 lakheah.

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.

AMIKHEAKAKHIUKKHI 7:3

“Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.”