AMIKHEAKAKHIUKKHI 22:20 - AMÜSÜH HÜM CL Bible (BSI)

²⁰ Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!

AMIKHEAKAKHIUKKHI 22:20 Iomraidhean Croise

KHÜNBOLUNGKHÜN 8:14

Niokheamang, I tsübuh tüsho rhümthüneabe wungbo kheak rimsung nangde yungsho shahyih nunu nangde thsang!

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

JOHAN 21:25

Jisunü püpü rhimokhi ahihdo lah. Jurü alala thrütkhülaa, athrütkhi hümnü alomiküp alala she mazühde alabah de inü lümchoh.

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

IBRI 10:37

Amüsühyunü thachoh, “Tümütüsho anükhühkheak labah, shepü arüde lanü mashude arübah;

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 1:2

apinü anihbuhnü angükhi alala ki Thrünpuh yu tüsho Jisu Khrista thiyumütsan thsü.

AMIKHEAKAKHIUKKHI 2:16

Jumonü mulong müthriang. Jude yungsho, I nü kilim arübah tüsho I mün chingnü akhiukkhi nukshangnü arü azhihde thirithsübah.

AMIKHEAKAKHIUKKHI 22:10

Tüsho apinü I ki tha, “Ha hüm ching müchitkhi yubo yümdoa düzo, tümüde kim thüninde lah.

AMIKHEAKAKHIUKKHI 22:12

“Kheahang, mihbüm aban apinü arhimokhi dün jihpü I thsambah hanbah I nahde arüchoh.

AMIKHEAKAKHIUKKHI 22:18

Ha hüm ching müchitkhi yubo sorü aban ki inü atünadoyu thachoh: Khürünü ju ching yukajaksho, ha hüm ching thakhi arümbo api kheak Thrünpuhnü yukajakjihbah,

AMIKHEAKAKHIUKKHI 22:7

Tüsho kheahang, I nahde arüchoh.” Shepünü ha hüm müchitkhi yubo zochonü müngühmühi.