AMIKHEAKAKHIUKKHI 22:2 - AMÜSÜH HÜM CL Bible (BSI)

² kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah.

AMIKHEAKAKHIUKKHI 22:2 Iomraidhean Croise

THRÜNTAN 2:9

Tüsho Atungpuh Thrünpuhnü alo chingnü tsühyungbe jaktsükhi sangdungbo mukhuhshih. Shahwün phulung ching rhangdung sangdung tüsho atsü amütsü mükheahbe sangdung she alakheah.

MUNGSHIKHÜN 147:3

Apinü mulong tukthsürü thsünguchoh tüsho arü mübo rümjihchoh.

MÜCHITMUDU 3:18

Anihbe kheak tholorü kilim hoju rhangdung sangdung ah; düngde anihbe tholorü ki asühpü de jichoh.

ISAIA 6:10

Ha mihtsürü lümkhi zhazhade kamshang, tüsho arü nükhünbo peangshang, tüsho arü mükbo yihdojang, junangde arünü arü mükbonü mükheah, tüsho arü nükhünbonü mani tüsho arü lümkhibonü manikhit, tüsho rholode müthsüngu.”

JEREMIA 17:14

I thsüngujang, thsüngujang, O Atungpuh , tüsho I athsüngubah; I khümkhitang, tümüde nü a inü mungshipü lah.

EZEKIEL 47:1

Jushu apinü I arüngyam ripit ki belodarü; arüngyam ching düküyukpung khüpnü ke bukde aniakhiuklim yüde alakheah (tümüde arüngyam ju aniakhiuklim abin); ke ju kingaün sadam düjinglim, arüngyam düjinglim thrip khüpnü bukde aki.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

ZEKARIA 14:8

Ju nimung Jirusalem chingnü rhangdung kebo bukkhitbah, chamkhüh aniakhiuklim keto lim tüsho chamkhüh aniyüzahlim keto lim yübah; ha tsüngkam ching le muzhu ching mutuklode alabah.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 21:21

Ripit thürükheak mahne ju sünso thürükheak mahne, ripit abande sünso khülang khülangnü thsü, tüsho kiuto kiudunglimro ju meayinpung nangde suna müthsün lakheah.

AMIKHEAKAKHIUKKHI 21:24

Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah,

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

AMIKHEAKAKHIUKKHI 22:19

tüsho khürünü ha hüm ching müchitkhi yubo yihkhita bahsho, ha hüm ching thakhi rhangdung sangdung tüsho amüsüh kiuto chingnü api shihcham Thrünpuhnü lude atsobah.