AMIKHEAKAKHIUKKHI 22:15 - AMÜSÜH HÜM CL Bible (BSI)

¹⁵ Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

AMIKHEAKAKHIUKKHI 22:15 Iomraidhean Croise

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

MÜCHITMUDU 12:22

Keangtha münküpbo Atungpuh kilim athraneanbe lah, tüshe sherü thiyuronü akhualochonü api asühpü lah.

MÜCHITMUDU 7:27

Alibe yam ju kiuyuk limro lah, ashe khiungshakbo lim yükichoh.

ISAIA 47:12

Nü athunuchokinü rhimode arükhi nü müchit-rükbo tüsho nü wurükbo ahihdo ching düküngde zhipang; khükia nünü akukpü labah, khükia nünü amüzünkhukpü labah.

ISAIA 47:9

Harü chido kim khülang, nimung khülang chingnü nü kheak arübah: nünü wurük ahihdo tüsho müchit-wu ato huhhuh she, tsührü dükheakpü tüsho khimoberü kampü kim dükde ching nü kheak arübah.

ISAIA 57:3

Tüshe nüsa thsungkheaknü a, nüsa thümüthiyirü tsührübo, nüsa müzammüram tüsho pang yinrü tsührübo ha ching arang.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 7:6

“Tümü amüsühanü khihnubo kilim düjih; yungsho nü yo sünsobo kheaknu miki düzojih, jude thsüsho arünü jurü arü jing khüp jungbah tüsho rholobah nü adütre kamde ayihthünakbah.

MATHI 8:12

Tüshe kiulongthsü ching larübo a amiting ching yankhita bahbah. Ju ching atripkhi tüsho hü mütrütkhi labah.”

JOHAN 8:46

Nüsa shepünü neak dünkheak I ki mütsanmükhi jihkhukba? Tüsho inü thiyuro thasho, tümüde nüsanü I mükin le?

YUNIRÜBO RHIMO 8:11

Arünü api ki ani, tümütüsho kim ashang apinü anihbuh wurüknü arü müyinsahshih.

YUZÜNGTHALO 23:18

Nünü aliberü yungsho athrürü müzammüramkhi chingnü amulokhi thiyuchihchimkhi shakpü thsüde Atungpuh nü Thrünpuh yam ching hande darü, tümüde ane chido Atungpuh nü Thrünpuh kilim athraneanbe lah.

FILIPI 3:2

Khihnubo, amütsü rhimorü, shih thsümünimrü aheangang.

KOLOSI 3:6

Harü dünkheaknü Thrünpuh bukakhiukkhi arüchoh.

1 TIMOTHI 1:10

müzammüram mihtsürü, yüliyürarü, bekhide-atsorü, akeangyu tharü, arükchih thiyumütsan thsürü tüsho kingaün-yakzan alungki azhihrü thsungkheak ah.

AMIKHEAKAKHIUKKHI 18:23

nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”