AMIKHEAKAKHIUKKHI 22:10 - AMÜSÜH HÜM CL Bible (BSI)

¹⁰ Tüsho apinü I ki tha, “Ha hüm ching müchitkhi yubo yümdoa düzo, tümüde kim thüninde lah.

AMIKHEAKAKHIUKKHI 22:10 Iomraidhean Croise

ISAIA 13:6

Tüzhode tripang, tümüde Atungpuh nimung thüninde lah; ju Wuto kilimnü athsümünimpü nangde arübah!

ISAIA 8:16

Rhangdung-yumütsan rhükruang, I jingyanrü bolung thsangyukhi yümkihang.

EZEKIEL 12:23

Arü ki thaang, “ Wuto Atungpuhnü ha thachoh: Ha müchitkhi inü akheam thsüshihbah, tüsho arünü kheaküa Israel ching ha müchityu mütha.” Arü ki thaang, Michih aban dünjipü nimungbo thüninde lah.

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 12:9

Apinü tha, “ Nü limro ching yüang, Daniel tümüde thiyubo ha akheam kim khiungde ramlah tüsho yümdolah.

DANIEL 8:26

Arebo tüsho yapsubo dünkheak michih thakhi ju thiyuro. Tüshe michih ju yümdoa zoang, tümüde ha dünjipü nimung ahihkhüh lah.”

MATHI 10:27

Tümüpürü inü amiting ching nüsa ki thachonü, animuro asukang, tüsho tümü nüsa nükhün ching sochonü, thüyam münbo kheaknü zhiang.

ROMRÜ KILIM PAULNÜ ATHRÜTKHI KIHÜM HUHTANYU 13:11

Ha kheak khiode ha kim tümü a, kheakü künangde ayapkhi chingnü asürüpü kim khiuka lanü nünü mükheahlah, tümüde akhümkhit ju isanü atan kinkhi kheaknü athüninbe lah;

ROMRÜ KILIM PAULNÜ ATHRÜTKHI KIHÜM HUHTANYU 13:12

azhing tsodo, animung thünina lah. Jumonü isanü azhing rhimobo tukloanü tüsho ayin zülu yihanü;

2 TESALONIKA 2:3

Shenü she nüsa tümü ching she dümülapyukshih, tümüde azhihkhi makhiukyikia tüsho athsümünimpü akhua lakhi aneak mihtsürü makhiukyikia ju nimung marü.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:3

Shepünü müchitkhi yubo achangnü khechonü asühpü, tüsho sherünü anicho, tüsho sherünü ju ching thrütkhi mihyuanichonü asühpü; tümüde kim thüninde lah.

AMIKHEAKAKHIUKKHI 10:4

Küyimki tsüngmuk thüne arungkheanü inü athrütpü thsü, tüshe yinmi chingnü athakhi düsheak inü so, “Tsüngmuk thünenü tümü thakheanü yümdoa zoang, tüsho ju düthrüt.”

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”

AMIKHEAKAKHIUKKHI 22:18

Ha hüm ching müchitkhi yubo sorü aban ki inü atünadoyu thachoh: Khürünü ju ching yukajaksho, ha hüm ching thakhi arümbo api kheak Thrünpuhnü yukajakjihbah,

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!

AMIKHEAKAKHIUKKHI 22:7

Tüsho kheahang, I nahde arüchoh.” Shepünü ha hüm müchitkhi yubo zochonü müngühmühi.

AMIKHEAKAKHIUKKHI 22:9

tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”

AMIKHEAKAKHIUKKHI 5:1

Tüsho kiulongthsü-binkiu kheak binbuh khah tsülim ching, thripkhüh thripkhüh thrütkhi küpqiu, mütsanyüm thünenü yümbah inü ngü;