AMIKHEAKAKHIUKKHI 22:1 - AMÜSÜH HÜM CL Bible (BSI)

¹ Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:1 Iomraidhean Croise

MUNGSHIKHÜN 46:4

Thrünpuh kiuto, Khide Achangbuh amüsüh yam ching asühpü hande arükhi ayung khülang lah.

ISAIA 41:18

Inü achangbo kheak ayungbo, tüsho jindükhünbo ching kenübo khimshuhbah; inü sunglo ju kekhip khülang kamshihbah tüsho akunglo kenübo kamshihbah.

ISAIA 48:18

O nünü I yukhümbo anido dükhülaa! junangde nü müngühmühi ju ayung nangde alabah, tüsho nü thiyuro-lungki ju keto abükkhi nangde alabah.

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

ZEKARIA 14:8

Ju nimung Jirusalem chingnü rhangdung kebo bukkhitbah, chamkhüh aniakhiuklim keto lim tüsho chamkhüh aniyüzahlim keto lim yübah; ha tsüngkam ching le muzhu ching mutuklode alabah.

JOHAN 13:32

Api kheak Thrünpuh müretahsho, Thrünpuhnü api kheak anihbuh müretahbah, tüsho nahde api müretahbah.

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,

AMIKHEAKAKHIUKKHI 21:11

Thrünpuh müretah lade, azhingzhingkhi ju athukhi mürelung nangde, asherühü, lungmüsang nangde la.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 21:9

Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.”

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

AMIKHEAKAKHIUKKHI 22:6

Tüsho apinü I ki tha, “Harü yubo akin-labe tüsho thiyuro. Tüsho Atungpuh, wukihrübo mebo Thrünpuhnü nahde adünjipü lakhi api tankihrübo ki huhshihpü api yunirü arüshih.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.

AMIKHEAKAKHIUKKHI 5:13

Tüsho yinmi ching, alomi kheak, keto ching tüsho alala ching shiwühbo abannü athakhi inü so, “Kiulongthsü-binkiu kheak binbuh tüsho Namfimihnunu kilim müngühmühi, wüntre, müretah tüsho sühmüh lünnü lün laang!”

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”