AMIKHEAKAKHIUKKHI 21:8 - AMÜSÜH HÜM CL Bible (BSI)

⁸ Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 21:8 Iomraidhean Croise

MÜCHITMUDU 19:5

Arükchih thiyumütsan jihrü müthsümüchidüa mutso, tüsho shepünü akeangyu asukchonü mutsokhi.

MÜCHITMUDU 19:9

Arükchih thiyumütsan jihrü müthsümüchidüa mutso, tüsho shepünü akeangyu asukchonü adükheakbah.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 25:25

Jumonü I trede alakheah, tüsho yübah nü yo suna shonak alo ching ramkheah. Kheahang, nü yo ha lah.’

MATHI 8:26

Tüshe apinü arü ki tha, “O nüsa akin anikhüh larübo, nüsa tümü thsükhi trecho? Judüki apinü wusubah apungbo le keto thürüh tüsho akhimahekhi ato kamabah.”

MARK 9:44

ju ching arü muso müshe tüsho mo mümütchoh.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

YUZÜNGTHALO 20:8

“Kheaküshe atorübonü mihtsürübo ki thabah, ‘ Mihtsürü shepünü trecho tüsho mulong ninicho? Api thüyam lim alode yüshang, jude yungsho api nangde keoniorübo she mulong ninibah.’

2 TESALONIKA 2:9

Amünean rhimo hode mihbukmuyuk arükhi ju wu alala bede tüsho arükchih amütsanbo tüsho amüyinsahbebo,

1 TIMOTHI 4:2

Hadürü thsangyukhibo ju yinchi takmürümkhinü athsahkhi nangde arü lümkhibo shekhirü akeangyu tharü hode bushihchoh.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

1 JOHAN 2:22

Shepü akeangyu tharü a? Jisu ju Khrista yung de atharü mihtsürü ah. Shepünü Abuh tüsho atsührü bahyukchonü, ju Khrista azhihrü ah.

1 JOHAN 3:15

Shepünü nihbuh keoniorü thraneanchonü mihkhukrü ah, tüsho mihkhukrü kheak lün rhangdung müla de nüsanü mükheahlah.

1 JOHAN 5:10

Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 2:2

“‘Inü nü rhimobo, nü khuksahkhi, nü arümkheamkhi, tüsho nünü amütsü mihtsürü ki marümkhukkhi tüsho arü küdahnü amüsüh-thsangyurü de ajirü rükakheahkhi mükheahlah, tüshe arübo a yung, tüsho arü arükchih ngükhitdo.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

AMIKHEAKAKHIUKKHI 9:17

Tüsho inü I michih ching khorabo tüsho ju kheak binrü hanangde ngü: arübo mo tüsho shotolung-bluk, tüsho yinchike nangde treangkhümbebo yih, tüsho khorabo ku ju kekhüzübo ku nangde, tüsho arü mün chingnü mo le mokhüh tüsho yinchike akhiukshih.

AMIKHEAKAKHIUKKHI 9:21

yungsho arü mihkhukkhibo yungsho arü wurükbo yungsho arü müzammüram yungsho arü ahühkhibo chingnü mümüthrilo.

MAHKHAPRÜ 7:3

kheakü mihtsürübo ki zhia mükheahshang, ‘ Khürü trede ajansho rholode Gilead wung bahbah tsoang.’” Jumonü mihtsürü 22,000 alode tsobah 10,000 aninglo.