AMIKHEAKAKHIUKKHI 21:3 - AMÜSÜH HÜM CL Bible (BSI)

³ tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;

AMIKHEAKAKHIUKKHI 21:3 Iomraidhean Croise

1 KIULONG THSÜRÜ 8:27

“Tüshe Thrünpuhnü alomi kheak lakhukba de? Yinmi tüsho achangbe yinminü she nü mazüh, inü athsükhi ha yam khide mudukke!

2 KIUTHSÜYUKHEAN 6:18

“Tüshe atsütsü Thrünpuhnü mihtsürübo lung alomi kheak lapü? Yinmibo, achangbe yinmibonü she nü mazüh, inü athsükhi thüyam ha küdükhüh she ninila!

ABEKHIT 25:8

Tüsho arünü I khilim arüngakopung khülang thsüshang, junangde I arü bolung labah.

ABEKHIT 29:45

Judüki I Israelrü lung labah, tüsho arü Thrünpuh thsübah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 32:38

Arübo I mihtsürü thsübah, tüsho I arü Thrünpuh thsübah.

EZEKIEL 37:27

I lapung arü lung labah; tüsho I arü Thrünpuh thsübah, tüsho arü ju I mihtsürü thsübah.

EZEKIEL 43:7

Apinü I ki tha: Mihtsürü tsührü, ha I Israel bolung lünnü alapü lakhi I kiulongthsü-binkiu zopung tüsho I jinglung dubopung. Israel yamkhünnü kheaküa arünü yungsho arü kiulongthsürübonü, arü yüliyürakhinü, tüsho arü kiulongthsürübo shechoki asheminü I mung amüsüh mümüneanjih.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

ZEKARIA 8:8

tüsho inü arübo Jirusalem ching lashihpü bede arübah. Athülünkhi tüsho thiyuro-lungki ching arübo I mihtsürü thsübah tüsho I arü Thrünpuh thsübah.

WÜHKHE 9:16

Junangde mutukzhakde animung amonü liudo, tüsho azhing ching mo nangde la.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

1 TESALONIKA 3:11

Kheakü isa Abuh Thrünpuh, tüsho isa Atungpuh Jisu küdah thsüde, nüsa kilim isa limro huhshang;

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

IBRI 8:2

Apinü mihtsürü yungde, Atungpuhnü athsükhi thiyuro arüngkhimyam yo arüngakopung ching tankihchoh.

AMIKHEAKAKHIUKKHI 10:4

Küyimki tsüngmuk thüne arungkheanü inü athrütpü thsü, tüshe yinmi chingnü athakhi düsheak inü so, “Tsüngmuk thünenü tümü thakheanü yümdoa zoang, tüsho ju düthrüt.”

AMIKHEAKAKHIUKKHI 10:8

Judüki yinmi ching inü asokhi düsheaknü I ki thalo, “Yüang, keto tüsho alo kheak zhipkhi yunirü khah ching küpqiu khimshuhkhi luang.”

AMIKHEAKAKHIUKKHI 12:10

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.

AMIKHEAKAKHIUKKHI 22:3

Ju ching kheaküa tümü she muthrumüneankhi müla tüshe Thrünpuh kiulongthsü-binkiu tüsho Namfimihnunu ju ching labah, tüsho anihbuh tankihrübonü api kingaünbah;

AMIKHEAKAKHIUKKHI 7:15

Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.