AMIKHEAKAKHIUKKHI 21:27 - AMÜSÜH HÜM CL Bible (BSI)

²⁷ Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 21:27 Iomraidhean Croise

MUNGSHIKHÜN 101:8

Lomi ching mihbukmuyuk alala inü nahde athsümünimbah, junangde inü amütsü rhimorü alala Atungpuh kiuto chingnü adükheakshihbah.

ABEKHIT 32:32

Kheakü muzhobah arü neak bahjang; jude yungsho, nünü athrütkhi hüm chingnü I nankhita bahang.”

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

EZEKIEL 44:9

Atungpuh Thrünpuhnü ha thachoh: Israelrü bolung lakhi khiungkerübo mulong tüsho shih tsütamübahrü sheshe I arüngakopung ching müyüzah.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

LEVI 13:46

Api tukthsü kih khiungde api mümüsühkhi labah, tüsho api püpürü kheaknü khanguhde yübah lapung aleanglim azangrü labah.

ZEKARIA 14:21

tüsho Jirusalem le Juda ching dükihthüra phüh aban Wuto Atungpuh kilim amüsüh labah, junangde laksah-a kingaünrü alalanü arübah kingaünpü lubah. Tüsho ju nimung kheaküa Wuto Atungpuh yam ching yinzüyindorü mülade akambah.

WÜHKHE 12:15

Jumonü Miriam ju binkheampung aleanglim nimung thüne rihdoa zo; tüsho Miriam belode mazahyi khiungde mihtsürübonü mütsahmusu.

WÜHKHE 5:3

Nünü athrürü tüsho aliberü chido binkheampung aleanglim yankhita bahang, jude thsüsho nüsa bolung I lakhi, binkheampung mümünean.

MATHI 13:41

Mihtsürü Tsührünü api yunirübo thiyibah, tüsho arünü api kiulongthsü chingnü neak yihbeakshihrü tüsho amütsü rhimorü alala bemukhungbah,

MARK 7:2

Arünü api jingyanrü khürü khah mümütsakde yimtsühkhi ngü.

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

EFISIA 5:5

Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

1 TIMOTHI 1:10

müzammüram mihtsürü, yüliyürarü, bekhide-atsorü, akeangyu tharü, arükchih thiyumütsan thsürü tüsho kingaün-yakzan alungki azhihrü thsungkheak ah.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

2 PETER 3:13

Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 3:5

Shepünü akuk ngüchonü arü nangde amüye yihbah. Inü küyimkishe rhangdung hüm chingnü api mung nankhita mübah, tüshe I Buh tüsho api yunirübo miki inü api mung khipkhitbah.