AMIKHEAKAKHIUKKHI 21:23 - AMÜSÜH HÜM CL Bible (BSI)

²³ Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.

AMIKHEAKAKHIUKKHI 21:23 Iomraidhean Croise

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

ISAIA 2:10

Atungpuh atrebe tüsho api wüntre-müretah chingnü tsokhide lungkhün ching yüzahang tüsho alokhün ching jikang.

ISAIA 2:19

Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

ISAIA 2:21

Atungpuh atrebe tüsho api wüntre-müretah chingnü tsokhide lungkhün atobo tüsho lunghü dükeak ching yüzahpü thsüde, alomi müzünpü api asürüchoki labah.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

HABAKKUK 3:3

Teman chingnü Thrünpuh, Amüsühbuh Khülang Paran müzüng chingnü arü. Api müretahkhinü thüningbo muhiudo tüsho api shikhinü alomi mide lakheah.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MARK 8:38

Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

LUKNÜ ATHRÜTKHI THIYUSHEAK-ATSÜ HUHTANYU 2:32

khiungkerü ki akhiuka huhpü ayin khülang, tüsho nü mihtsürü Israel müretah thsungkheak.”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 1:4

Api kheak rhangdung lakheah, tüsho rhangdung ju mihtsürü ayin lakheah.

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

YUNIRÜBO RHIMO 22:11

Tüsho küyimki ayin tahkihkhinü inü mükheahkhukkhea, I lung berübo khahnü I thobah Damaska lim arü.

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,

AMIKHEAKAKHIUKKHI 18:1

Ha dunglim yunirü püpü thiyukhüm-sühmüh lade yinmi chingnü akikhi inü ngü; tüsho api mürenü alomi yinde kamshih.

AMIKHEAKAKHIUKKHI 21:11

Thrünpuh müretah lade, azhingzhingkhi ju athukhi mürelung nangde, asherühü, lungmüsang nangde la.

AMIKHEAKAKHIUKKHI 21:25

tüsho animung küyimkishe ju ripit mürih tüsho ju ching azhing müla;

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”