AMIKHEAKAKHIUKKHI 21:11 - AMÜSÜH HÜM CL Bible (BSI)

¹¹ Thrünpuh müretah lade, azhingzhingkhi ju athukhi mürelung nangde, asherühü, lungmüsang nangde la.

AMIKHEAKAKHIUKKHI 21:11 Iomraidhean Croise

JOB HU H T ANYU 28:17

Suna tüsho meayinlungnü ju makekhuk, yungsho amo-achak suna atsüdaknü mümüthriachihkhuk.

ISAIA 4:5

Zion Müzüng tüsho ju ching mukhunga larü alala kumung, Atungpuhnü animung amo le mokhüh tüsho are motru zhingzhing yüshihbah. Thrünpuh müretahkhinü kiuto abümnü alüpdobah tüsho alamdobah.

EZEKIEL 1:22

Arhang shiwüh kubo kumung kheak akheahpü ju adüthrün nangde, müsanglung nangde zhingzhing, tüsho atrebe lakheah.

EZEKIEL 1:26

Arü ku kumung thüning kumung lakhi ju shotolung-bluk kiulongthsü-binkiu nangde lakheah, tüsho kiulongthsü-binkiu kumung achang kheak ju mihtsürü jak nangde alakheah.

EZEKIEL 28:16

Nü shothsümolo suhdahkhi ching athsümünimnü nü mide la, tüsho nünü neak yihbeak; jumonü amünean kukruk nangde Atungpuh müzüng chingnü inü nü bah, tüsho akümbuh cherubnü azhingzhing shotolung bolungnü nü yanabah.

EZEKIEL 43:2

Tüsho ju ching Israel Thrünpuh müretahkhi ju aniakhiuklimnü arüde alakheah; düsheak ju keto ato düsheak nangde alakheah; tüsho api müretahkhinü alomi tah.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

AMIKHEAKAKHIUKKHI 15:8

arüngyam ju Thrünpuh müretahkhi tüsho api wu ching yo mokhühnü mide kam, tüsho yunirü thüne yo arüm thüne mükheamyikia shenü she arüngyam ching müyüzahkhuk.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.

AMIKHEAKAKHIUKKHI 4:3

Tüsho ju kheak binbuh ju asherühü tüsho shotolung-thüyin nangde, tüsho kiulongthsü-binkiu mükamde shotolung-phüyak nangde mürechin khülang lakheah.

AMIKHEAKAKHIUKKHI 4:6

tüsho kiulongthsübinkiu miki ju lungmüsang ruk meayingpung keto nangde alakheah. Tüsho kiulongthsü-binkiu mükamde, thrip aban arhang shiwühbo, müngüh tüsho dunglim mükbo kihbah alakheah: