AMIKHEAKAKHIUKKHI 20:9 - AMÜSÜH HÜM CL Bible (BSI)

⁹ Arünü alomi amükah hode tsahde yü tüsho amüsührü le amuzhokhi kiuto zündo; tüshe yinmi chingnü mo aki tüsho arü aniuabah,

AMIKHEAKAKHIUKKHI 20:9 Iomraidhean Croise

THRÜNTAN 19:24

Judüki Atungpuhnü molung tüsho mo thüning chingnü Sodom tüsho Gomorra kheak akishih.

2 KIULONG THSÜRÜ 6:15

Küyimki Thrünpuh mihtsürü yapsu mükikde asürübah awukhiukkhea, khorabo tüsho khora-lolungbe bebah bonungrübonü kiuto alala zündoa lakheah. Api yamlabuhnü tha, “Aha, aputungpuh! Isa küde athsüba?”

JOB HU H T ANYU 38:18

Alomi tokhi ha nünü mükheahkhitdo de? Nünü ha alala mükheahsho I ki thaang.

MUNGSHIKHÜN 106:18

Arü bolung mo takmusu; motrunü mihbukmuyuk aniuabah.

MUNGSHIKHÜN 87:2

Atungpuhnü Jakob lapungbo alala kheaknü Zion chipiripitbo muzhobah.

MUNGSHIKHÜN 97:3

Api müngüh mo yüchoh, tüsho api riribo mükamphülapde aniuchoh.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

EZEKIEL 38:16

amonü alomi liudokhi nangde nünü I mihtsürü Israel azhihde atubah. Ashube nimungbo ching I lomi azhihde inü nü bedarübah, O Gog, nü hode arü mükbo ki I amüsühkhitkhi huhchoki, trükshihbonü I mükheahbah.

EZEKIEL 38:22

Arüm-tukthsü tüsho thiyih bukde inü api kheak mahkhappü ching yüzahbah; tüsho inü api le api lung lakhi mihtsürü ahihdo kheak düchi tsüng tüsho arubo, mo tüsho motsüng akishihbah.

EZEKIEL 38:9

Nü mikhuh ching, tsüngpungtsüngpung khülang nangde arübah; nü ju alomi shodokhi amo khülang nangde, nü tüsho nü yo thirithsürü alala, tüsho nü lung mihtsürü ahihkhüh labah.

EZEKIEL 39:6

Inü Magog tüsho keyean khümkhita larübo kheak mo yüshihbah; tüsho I Atungpuh de arünü mükheahbah.

MIKA 2:13

Shepünü lakashungchonü arü müngüh yübah; arünü lakashungbah tüsho chipiripit hode junü awukhiukbah. Arü kiulongthsüpuh arü müngüh yübah, Atungpuhnü arü limbebah.

HABAKKUK 1:6

Tümüde inü mihmukhiuh tüsho mükeamramkhi trükshih, nihbuh yo yungkhi lapungbo lupü alomi mülih hode atsahkhi Kaldearü wusushihchoh.

WÜHKHE 11:1

Tüsho mihtsürübonü arü küpkhukkhi dünkheak Atungpuhnü sode dapdapneangneang; tüsho küyimki Atungpuhnü asokhea, api bukakhiuk tüsho arü bolung Atungpuh mo takshih, tüsho binkheampung mühi mühit khürü takabah.

WÜHKHE 16:35

Tüsho Atungpuh kilimnü mo akhiukbahle arhümthüneabe jihrü mihtsürü 250 ju taksahabah.

LUKNÜ ATHRÜTKHI THIYUSHEAK-ATSÜ HUHTANYU 17:29

tüshe Lot Sodom chingnü wukhiuk nimung yinmi chingnü mo tüsho molung akibah arü alala dükheakshih.

LUKNÜ ATHRÜTKHI THIYUSHEAK-ATSÜ HUHTANYU 19:43

Nü riribonü nü mükamde chipi ayünde tüsho thrip aban zündopü nimungbo arübah,

LUKNÜ ATHRÜTKHI THIYUSHEAK-ATSÜ HUHTANYU 21:20

“Tüshe küyimki Jirusalem ju bonungrünü zündoa nüsanü angübanü athsümünim thünindo de mükheahang.

LUKNÜ ATHRÜTKHI THIYUSHEAK-ATSÜ HUHTANYU 9:54

Küyimki api jingyanrübo Jakob tüsho Johannü ha ngükhea, anenü tha, “Atungpuh, Elijanü arhimokhi nangde isanü yinmi chingnü mo jikhibah arübo takabahshihpü mulongla shi?”

YUZÜNGTHALO 23:14

Tümütüsho nüsa khümkhitpü tüsho thiriri nüsa kilim jihpü Atungpuh nüsa Thrünpuh nüsa binkheampung ching tsahchoh, jumonü nüsa binkheampung ju amüsüh labeah, junangde apinü nüsa bolung tümükhüh amünean müngü, tüsho nüsa kheaknü tsoa mübah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.

AMIKHEAKAKHIUKKHI 11:5

Tüsho khürünü ane trünthsüsho, ane mün chingnü mo akhiukbah tüsho arü riribo aniuabahbah; hanangde khürünü ane trünthsüsho asheshihbah.

AMIKHEAKAKHIUKKHI 13:13

Apinü amütsan atobo rhimode, mihtsürübo mikinü thüning chingnü alomi kheak mo she akishih;