AMIKHEAKAKHIUKKHI 20:2 - AMÜSÜH HÜM CL Bible (BSI)

² Apinü dragon, jipü phuruto, Amünean tüsho Arimri ju rambah kam chithürü thsungkheak api rhük,

AMIKHEAKAKHIUKKHI 20:2 Iomraidhean Croise

THRÜNTAN 3:1

Kheakü Atungpuh Thrünpuhnü athrünkhi shiwüh alala kheaknü phuruto ju rük amütsü lakheah. Tüsho phurutonü alibe ki keokhi, “Atsütsü shahwün ching lakhi sangdung küpü kheaknü she mütsühpü Thrünpuhnü thadü de?”

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

JOB HU H T ANYU 1:7

Atungpuhnü Arimri ki tha, “Nü küchingnü arükhea?” Arimrinü Atungpuh ki alo, “Alomi kheak yüla arüla dükhi chingnü, tüsho ju kheak yükihla akila dükhi chingnü.”

ISAIA 24:22

Arübo shingkung ching aramrü nangde rukhüh bemukhungbah; arübo rihyam ching rihdobah, tüsho nimung ahihdo dunglim thsümüchibah.

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

EZEKIEL 47:5

Kheaküshe apinü 1000 ake, tüsho ju inü müdükihhokhukpü thsüde ayung khülang lakheah, tümüde ke ju yükih; ha aphungpü khide sükde, müdükihhokhukpü thsüde ayung khülang lakheah.

MATHI 19:29

Tüsho shepünü I mung dünkheaknü thüyambo, khiungmungrü, chiniurü, abuh, abe, tsührübo yungsho alobo bahjihdünü chi kinü alü ngübah tüsho akheam müla rhangdung yamrüplurüp lubah.

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

MARK 4:15

Tüsho limro mungyean thiyu hiua larübo ju harü ah; küyimki arünü anibanü judüakede arimri arübah arü mulongbo ching hiua lakhi yu lude tsochoh.

MARK 5:7

Khide Achang Thrünpuh tsührü Jisu, inü nü ki tümü thsüba? I düthsümüchi de Thrünpuh mung tamde inü nü ki thachoh.

JOHAN 12:31

Kheakü ha lomi mahkhapkhi lah; kheakü ha lomi yakzanshuhrü yankhitbah.

JOHAN 16:11

mahkhap dünkheak, tümütüsho ha lomi yakzanshuhrü mahkhapdo.

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;

AMIKHEAKAKHIUKKHI 12:13

Tüsho küyimki dragonnü api alomi ching jipkhia bahkhi ngükhea, apinü khungarü athrürü zübejihkhi liberü müsham.

AMIKHEAKAKHIUKKHI 12:15

Phurutonü anihbe ju kekingnü zünde atsopü thsüde amün chingnü ayung nangde ke bukkhitshih.

AMIKHEAKAKHIUKKHI 12:17

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

AMIKHEAKAKHIUKKHI 12:3

Jushu amütsan püpü thüning kheak akhiuk; dragon amuliuh amürüm khülang aku thüne, ajuh thürü tüsho akubo kheak kuthran thüne kihde alakheah.

AMIKHEAKAKHIUKKHI 12:4

Api monü thüning kheak chining shihcham mahsam ching khülang phütkhia alomi kheak akishih. Tüsho alibenü zübechoki anihbe tsührü tsühabahpü thsüde, khungarü zübepü lachoki dragon ju alibe miki zhip;

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:2

Inü angükhi shiwüh ju sangtsung nangde, ajingbo ju kuto jing nangde, tüsho amün ju kekhüzü mün nangde alakheah. Tüsho ju kilim dragonnü api wu le kiulongthsü-binkiu tüsho thiyukhüm-sühmüh ato jih.

AMIKHEAKAKHIUKKHI 13:4

Mihtsürübonü dragon kingaün, tümüde apinü shiwüh kilim thiyukhüm-sühmüh jih, tüsho arünü shiwüh kingaünde tha, “Shiwüh nangde shepü la, tüsho shepünü ju bede keochihpü kukla?”

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.

AMIKHEAKAKHIUKKHI 20:7

Tüsho küyimki kam chithürü arün thsübanü, Arimri ju rihyam chingnü adükhebah

AMIKHEAKAKHIUKKHI 9:11

Arü kurungkheak kiulongthsürü, alokhünbit yunirü lakheah; api mung ju Ibri yu chingnü Abaddon, tüsho Greek yu chingnü Apollyon de ji.