AMIKHEAKAKHIUKKHI 2:9 - AMÜSÜH HÜM CL Bible (BSI)

⁹ Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

AMIKHEAKAKHIUKKHI 2:9 Iomraidhean Croise

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

LUKNÜ ATHRÜTKHI THIYUSHEAK-ATSÜ HUHTANYU 12:21

Jumonü shepünü nihbuh thsungkheak lakhit zomukhungchonü, Thrünpuh kilim alarü yung.”

LUKNÜ ATHRÜTKHI THIYUSHEAK-ATSÜ HUHTANYU 22:65

Tüsho arünü api azhihde ahihdo tha.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

LUKNÜ ATHRÜTKHI THIYUSHEAK-ATSÜ HUHTANYU 6:20

Tüsho apinü ajingyanrübo kilim zünga kheahbah tha, “Nüsa zhochihrü asühpü, tümüde Thrünpuh kiulongthsü nüsa yo.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

YUNIRÜBO RHIMO 26:11

Inü ahihkhüh ki sinagogbo alala ching arü thsümüchi; tüsho arü athruajipü mürang. Arü kheak I bukakhiukde inü arübo khiungkerü kiutobo ching she thsümüchi.

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

ROMRÜ KILIM PAULNÜ ATHRÜTKHI KIHÜM HUHTANYU 2:17

Tüshe nünü nü küdah thsüde Jihudarü de jisho tüsho yakzan kheak mulong tode Thrünpuh kheak chingkihkhi kükheangsho,

ROMRÜ KILIM PAULNÜ ATHRÜTKHI KIHÜM HUHTANYU 5:3

Ju lang yung, thsünükhinü arümkheam akhiukchoh de mükheahbah isanü isa thsünükhi ching asühachihchoh,

ROMRÜ KILIM PAULNÜ ATHRÜTKHI KIHÜM HUHTANYU 8:35

Shepünü Khrista amuzho chingnü isa chamkhiba? Thsümütsü-ato, lümthsünü, thsümüchi, khümzung, bünkeang, atrebe yungsho thsühnuk a shi?

ROMRÜ KILIM PAULNÜ ATHRÜTKHI KIHÜM HUHTANYU 9:6

Tüshe ha Thrünpuh yu akuk müngükhi yung. Tümüde Israel kheaknü atrükkhitkhi alala Israelrü yung,

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

2 KORINT 8:2

tümüde arübo küpkhukbonü mütsüdakde rükaki; tüshe arü zhochih-a lalashe khide salade jih-chungkhinü arü asühpü ato lakheah.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

1 TESALONIKA 3:4

Küyimki nüsa lung isa lakhea, isa thsümüchibah de atannü thajung; nüsanü mükheahde ha dünjido.

1 TIMOTHI 1:13

Adüso inü api athruajide, thsümüchide, tüsho mükhemükimde lalashe, inü mümükheahde tüsho mükinyide arhimokhi hode I ki mihmüthsüm huh.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 2:2

“‘Inü nü rhimobo, nü khuksahkhi, nü arümkheamkhi, tüsho nünü amütsü mihtsürü ki marümkhukkhi tüsho arü küdahnü amüsüh-thsangyurü de ajirü rükakheahkhi mükheahlah, tüshe arübo a yung, tüsho arü arükchih ngükhitdo.

AMIKHEAKAKHIUKKHI 2:24

Kheakü Thyatira ching nüsa aningkhi, anihbe thsangyukhi müramrihrü tüsho Arimri rük asük de ajikhi manikhitrü ki inü thachoh, inü nüsa kheak hahmülang püpü tümü müyihkihjih;

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.