AMIKHEAKAKHIUKKHI 2:7 - AMÜSÜH HÜM CL Bible (BSI)

⁷ Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 2:7 Iomraidhean Croise

THRÜNTAN 2:9

Tüsho Atungpuh Thrünpuhnü alo chingnü tsühyungbe jaktsükhi sangdungbo mukhuhshih. Shahwün phulung ching rhangdung sangdung tüsho atsü amütsü mükheahbe sangdung she alakheah.

MÜCHITMUDU 11:30

Thiyuro-lungkirü sangaso ju rhangdung sangdung, tüsho shepü lümlung lanü mebo bedarüchoh.

MÜCHITMUDU 13:12

Mulonglam atrütkhinü tukthsüde kamchoh, tüshe küyimki alunekhi dünjibanü, ha rhangdung sangdung ah.

MÜCHITMUDU 15:4

Athsüngu hande arükhi mulo ju rhangdung sangdung ah, tüshe mülapmüji mulonü me thsümünimchoh.

MÜCHITMUDU 3:18

Anihbe kheak tholorü kilim hoju rhangdung sangdung ah; düngde anihbe tholorü ki asühpü de jichoh.

EZEKIEL 28:13

Nü a Thrünpuh shahwün, Eden ching lakheah; shotolungbonü nü züt thsü: shotomürüm-lung, shotolung-müküp, tüsho shihshihlung, wurüklung, lungmüsang, tüsho asherühü lung, shotolung-bluk, lungphüyak, tüsho lungmürüm; tüsho sunanü athsükhibo ju nü binpungbo tüsho nü künkihpungbo lakheah. Nü thrünkhi nimung jurübo tsanglung,

EZEKIEL 31:8

Thrünpuh wündo ching cedar ha mazhihkhuk, yungsho tsünsangnü adübeakbo marihkhuk yungsho yütosangnü adübeakbo makekhuk– Thrünpuh wündo sang tümünü ha akhamkhi marihkhuk.

MATHI 11:15

Shepü nükhün kihlanü aniang!

MATHI 13:43

Judüki thiyurolungkirü arü Abuh kiulongthsü ching ani nangde atahbah. Nüsa nükhün kihlasho aniang.

MATHI 13:9

Nüsa nükhün kihlasho aniang!”

MARK 4:9

Apinü arü ki tha, “Nüsa asopü nükhün kihlasho aniang!”

MARK 7:15

Aleanglimnü yüzahbah mihtsürü khülang müneanjihpü tümü müla, tüshe mihtsürü chingnü tümü akhiukchonü junü api müneanjihchoh.

MARK 7:16

Asopü nüsa nükhün kihlasho aniang!”

LUKNÜ ATHRÜTKHI THIYUSHEAK-ATSÜ HUHTANYU 23:43

Tüsho Jisunü api ki tha, “Atsütsü inü nü ki thachoh, khihni nü I lung asühpung ching labah.”

LUKNÜ ATHRÜTKHI THIYUSHEAK-ATSÜ HUHTANYU 8:8

Tüsho khürü alo atsü ching hiubah mukhuh, tüsho chinü alü thsüde aso.” Apinü ha thachoki zhi, “Shepü asopü nükhün kihlanü aniang.”

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

1 KORINT 2:10

Thrünpuhnü Me hode isa ki akhiuka huh. Tümüde Menü lüpdükhi, Thrünpuh lümkhi asükbo she yimchoh.

2 KORINT 12:4

tüsho mihtsürü münnü müthakhukbe tümüanü apinü so.

1 JOHAN 2:13

Buhrübo, inü nüsa kilim thrütchoh, tümütüsho shepü atankih chingnü alakheanü nüsanü api mükheahlah. Athrününgtsüngbo, inü nüsa kilim thrütchoh, tümütüsho nüsanü amütsübe chingnü tsokhitdo. Azürübo, inü nüsa kilim thrütchoh, tümütüsho nüsanü Abuh mükheahlah.

AMIKHEAKAKHIUKKHI 13:9

Nüsa nükhün kihlasho aniang!

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”

AMIKHEAKAKHIUKKHI 15:2

Judüki meayinpung keto ju mo lung düsahbah akhiuk, tüsho sherünü shiwüh le mejak tüsho amung khekhi kurungkheak akuk ngükheanü, Thrünpuh bingkhungbo shuhbah meayinpung keto yean zhipde inü ngü.

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

AMIKHEAKAKHIUKKHI 22:2

kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah.