AMIKHEAKAKHIUKKHI 2:5 - AMÜSÜH HÜM CL Bible (BSI)

⁵ Nü tümü chingnü ayoa lanü lümkhitang, tüsho nünü akhuhde arhimokhi rhimoang. Nünü mulong mümüthrisho, I nü kilim arübah tüsho nü tsünpung dubopung azopungnü luakhinbah.

AMIKHEAKAKHIUKKHI 2:5 Iomraidhean Croise

ISAIA 1:26

Tüsho inü nü yo mahkhaprübo akhuhlim nangde akamshihbah, tüsho nü yo lümthiyan-jihrübo atankih nangde akamshihbah. Ju dunglim nü thiyuro-lungki, athülünkhi kiuto de ajibah.

ISAIA 14:12

“ Nü küruk yinmi chingnü ayokhikhea, O Animung Chining, Yapsu tsührü! Nü küruk alo kheak kiushaka keamshihkhea, nü shepünü trükshihbo keamkhishihkhea!

EZEKIEL 20:43

Ju ching nüsanü nüsa rhimorhiyi tüsho nüsa küdah thsüde müneankhi rhimobo lümkhitbah, tüsho nüsanü arhimokhi amütsü alalanü nüsa mukhiukbah.

EZEKIEL 36:31

Judüki nü amütsü limrobo tüsho amütsü rhimobo nünü alümkhitbah; tüsho nünü nü amülimbo tüsho athranean rhimobo dünkheak thraneanbah.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 9:10

Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

MALAKI 3:4

Judüki Juda tüsho Jirusalem kingaün ju awün nimungbo tüsho khakhih kambo ching nangde Atungpuh ki asühpü labah.

MALAKI 4:6

Apinü bebuhrü mulongbo arü tsührübo kilim rholoshihbah, jude yungsho I arübah tüsho ju muthrumüneannü lomi shikbah.

MATHI 5:14

Nüsa alomi ayinatrüm. Awung kheak lakhi kiuto amüyimpü mukuk.

MATHI 5:15

Yungsho shenü she tsün takkihbah muluknü hüpdoa muzochoh; tüshe adubopung kheak zochoh, tüsho junü thüyam ching larü alala kilim yinshihchoh.

MARK 12:9

Jumonü kurungasolu putungrünü tümü thsüba? Apinü arübah thulu-thsürübo laksahbah tüsho kurungasolu ju püpürü kilim jihbah.

LUKNÜ ATHRÜTKHI THIYUSHEAK-ATSÜ HUHTANYU 1:17

Apinü bebuhrü mulong tsührübo kilim, tüsho mihyumanirü thiyuro lümlung lim rholoshihde Atungpuh thsungkheak mihtsürübonü athsakhamshihpü Elija me tüsho wu chingnü Atungpuh müngüh yübah.”

LUKNÜ ATHRÜTKHI THIYUSHEAK-ATSÜ HUHTANYU 20:16

Apinü arübah kurungasolu thsürübo ju alaksahbah tüsho kurungasolu ju püpürü kilim jihbah.” Tüsho mihtsürübonü ju sobah tha, “Küyimkishe jude düthsü shi!”

GALATIA 5:4

Nüsa shepünü yakzan hode alim thsüpü mürangchonü Khrista kheaknü limshudo; amüthsüm chingnü nü chamkhide tsodo.

FILIPI 2:15

junangde nüsa areak mükihde tüsho amülim mülade, ha akhürang tüsho bephülap lün ching Thrünpuh tsührübo thsüde, arü bolung alomiküp ching ayin nangde tahde,

IBRI 10:32

Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang.

2 PETER 3:17

Jumonü amuzho müyamrübo, nüsanü ha mükheahla le, mihbukmuyuk mihtsürü amülimnü nüsa bede mutsopü tüsho nüsa düküngkhi chingnü mangakpü kurhangang.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 16:9

mihtsürübo ju khide alamlamnü tak, tüsho arünü harü arümbo kurungkheak wu labuh Thrünpuh mung athru, arünü mulong mümüthri tüsho api kilim müremütah.

AMIKHEAKAKHIUKKHI 2:16

Jumonü mulong müthriang. Jude yungsho, I nü kilim arübah tüsho I mün chingnü akhiukkhi nukshangnü arü azhihde thirithsübah.

AMIKHEAKAKHIUKKHI 2:19

“ ‘Inü nü rhimobo, nü amuzho tüsho akin, tankihkhi tüsho arümkheamkhi mükheahlah, tüsho nü rhimo ashubenü akhuhbe kiholah.

AMIKHEAKAKHIUKKHI 2:2

“‘Inü nü rhimobo, nü khuksahkhi, nü arümkheamkhi, tüsho nünü amütsü mihtsürü ki marümkhukkhi tüsho arü küdahnü amüsüh-thsangyurü de ajirü rükakheahkhi mükheahlah, tüshe arübo a yung, tüsho arü arükchih ngükhitdo.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.