AMIKHEAKAKHIUKKHI 2:27 - AMÜSÜH HÜM CL Bible (BSI)

²⁷ tüsho apinü yinchi tsonü arü yakzan shuhbah; alo phüh adütre kamde ayihthünakkhi nangde alabah–I she I Buh kilimnü wu leangkhia lah;

AMIKHEAKAKHIUKKHI 2:27 Iomraidhean Croise

MUNGSHIKHÜN 49:14

Namfimihnu nangde ashepü arü akhua lah; ashekhinü arü aheangbah; alungkirünü arü kheak yapsu yakzan shuhbah; arü pangbo ju arü lapung chingnü limshude alakhi kiuyuk ching shuh-a bahbah.

ISAIA 30:14

ha trükhi ju phühdamrü phüh nangde mütsüdakde kingrüpbah, junangde atrüthünakkhi bolung amünkheam ju mokin chingnü mo rhukhitpü yungsho kekhip chingnü ke khipkhitpü thsüde müngü.

JEREMIA 19:11

tüsho arü ki thabah: Wuto Atungpuhnü ha thachoh: Khürünü phühdamrü phüh yihrüpkhi nangde inü ha mihtsürü tüsho ha kiuto yihrüpbah, junangde ha küyimkishe müthsülokhuk. Topheth ching arünü dangpung mülayi khiungde kiuyuka bahbah.

DANIEL 7:18

Tüshe Khide Achangbuh yo amüsührübonü kiulongthsü leangkhibah tüsho lünnü lün kiulongthsü labah.”

DANIEL 7:22

lün labuh arükhi khiungde; jushu Khide Achangbuh yo amüsührübo thsungkheak mahkhapkhi jih, tüsho amüsührübonü kiulongthsü ngüa lupü kim khiung.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

LUKNÜ ATHRÜTKHI THIYUSHEAK-ATSÜ HUHTANYU 22:29

Tüsho I Buhnü I kheak jihkhi nangde inü nüsa kheak kiulongthsü khülang jihchoh,

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

AMIKHEAKAKHIUKKHI 12:5

trükshih alala yinchi tsonü yakzan shuhpü thsüde alibenü athrürü nunu zübejih, tüshe anihbe khungarü ju jangkhia lubah Thrünpuh kilim api kiulongthsübinkiu ching bekih,

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.