AMIKHEAKAKHIUKKHI 2:23 - AMÜSÜH HÜM CL Bible (BSI)

²³ tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

AMIKHEAKAKHIUKKHI 2:23 Iomraidhean Croise

1 KIUTHSÜYUKHEAN 17:18

Tüsho nü yamlarü ki wüntre jihkhi thsungkheak Davidnü nü ki tümü thakhukba? Nünü nü yamlarü mükheahlah.

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

2 KIUTHSÜYUKHEAN 6:30

nünü nü lapung yinmi chingnü sojang, neak bahjang, tüsho nünü mükheahde alakhi mulong arü limro ayannü alala ki jihang, tümüde nünü lang mihtsürü mulong mükheahlah.

JOB HU H T ANYU 24:23

Apinü arü kilim tsokhitpung jihchoh tüsho arü tsunglolah; api mükjibo arü limrobo kheak lah.

MUNGSHIKHÜN 139:1

O Atungpuh , nünü I yim tüsho I mükheahdo.

MUNGSHIKHÜN 26:2

O Atungpuh , I mütsanmükhiang tüsho mahkhapang; I mulong tüsho I lümkhi rükakheahang.

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

JEREMIA 11:20

Tüshe nü, O Wuto Atungpuh , shepünü lungkide mahkhapcho, shepünü mulong tüsho lümkhi rükakicho, nünü arü kheak nü royimkhi inü kheahanü, tümüde I lümkhilümduh nü ki thakhita huhchoh.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 20:12

O Wuto Atungpuh , nünü thiyuro-lungkirü rükakia kheahchoh, nünü mulong tüsho lümkhi ngülah; nünü arü kheak royimkhi inü kheahanü, tümüde I lümkhilümduh inü nü ki jihdo.

ZEPHANIA 1:11

Mortar ching larü tüzhochoh, tümüde shothsümolorü alala dükheakdo; shotoyinchi adünrü alala mülatsan.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 4:16

Jisunü alibe ki tha, “Yüang tüsho nü niubuh jibah ha ching arang.”

YUNIRÜBO RHIMO 1:24

Tüsho arünü tamkhüntamnü, “O Atungpuh, shepünü alala mulong mükheahla, hane bolung nünü shepü mokhitdünü huhang,

ROMRÜ KILIM PAULNÜ ATHRÜTKHI KIHÜM HUHTANYU 14:12

Jumonü isa abannü nihbuh dünkheak Thrünpuh kilim jihbah.

ROMRÜ KILIM PAULNÜ ATHRÜTKHI KIHÜM HUHTANYU 8:27

Tüsho mihtsürü mulong yimbuh Thrünpuhnü Me lümkhi mükheahlah, tümütüsho Thrünpuh lümkhi yande amüsührü thsungkheak Menü mushujihchoh.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

GALATIA 6:5

Tümüde mihtsürü abannü nihbuh hah hanbeah.

YUZÜNGTHALO 13:11

Jumonü Israelrü alalanü asobah tüsho wüntrebah, tüsho hadürü amütsü rhimo küyimkishe mürhimolo.

YUZÜNGTHALO 17:13

Judüki mihtsürü athrünkhinü ju sobahle atrebah tüsho shenü she arhimolopü mümürang.

YUZÜNGTHALO 19:20

Tüsho aninga larübonü sobah atrebah, tüsho ha dunglim arünü hadürü amütsü rhimo nüsa bolung mürhimolo.

YUZÜNGTHALO 21:21

Judüki kiuto ching lakhi mihtsürü alalanü api lungnü arusahbah; junangde nüsanü amütsürü nüsa bolungnü yihkhita bahang, tüsho Israelrü alalanü sobah atrebah.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.

AMIKHEAKAKHIUKKHI 20:13

Tüsho ketonü ju ching lakhi asherübo jihabah, Ashe tüsho Thsümüchinü asherübo jihabah, tüsho arünü arhimokhi yande alala mahkhap.

AMIKHEAKAKHIUKKHI 22:12

“Kheahang, mihbüm aban apinü arhimokhi dün jihpü I thsambah hanbah I nahde arüchoh.

AMIKHEAKAKHIUKKHI 6:8

Tüsho kheahang, khora amükin khülang inü ngü, tüsho abebuh mung ju Ashekhi lakheah tüsho Athsümüchinü api dunglim yan; tüsho nukshangnü, khümzungnü, arümnü tüsho alomi shiwühbonü asheshihpü shihcham phüyi ching khülang kurungkheak wu jih-a lakheah.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”