AMIKHEAKAKHIUKKHI 2:14 - AMÜSÜH HÜM CL Bible (BSI)

¹⁴ Tüshe inü nü azhihde khürü lah: Ju ching Balak ki thaa Israel tsührübo müngüh jingmükhebe zoshihbah sangthsübo ki kingaünkhi tsühyungbe tsühshihkhi tüsho müzammüram rhimoshihkhi Balaam thsangyukhi yanrü khürü lah.

AMIKHEAKAKHIUKKHI 2:14 Iomraidhean Croise

ISAIA 57:14

Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”

JEREMIA 6:21

Jumonü Atungpuhnü ha thachoh: Kheahang, inü ha mihtsürü miki arü jing mükheshihpü jingmükhelung zojihchoh; berübuhrü tüsho tsührübo rukhühnü, yamhingrü tüsho müyamrü dükheakbah.

EZEKIEL 3:20

Kheaküshe, küyimki thiyuro mihtsürü nihbuh thiyuro-lungki chingnü rholoba tüsho amütsü rhimoba, tüsho inü api müngüh jing mükhe zojihbanü api ashebah. Tümütüsho nünü api ki düh de mütha, nihbuh neak dün api shebah. Api thiyuro-lungki rhimokhi rhimo mülümkhit tüsho api thiyih inü nü khah chingnü akheangbah.

EZEKIEL 44:12

Tüshe arünü Israelrü thsungkheak sangthsübo miki arüngako thsü tüsho arü yamkhün amülim ching jing mükheshih, jumonü arünü arü thsümüchi hanbah de arü dünkheak inü thiyuchihchimchoh, Atungpuh Thrünpuhnü thachoh.

WÜHKHE 24:14

Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.”

WÜHKHE 31:16

Kheahang, arünü Balaam yu anibah Israel mihtsürübo Peor ching dünjichoki Atungpuh azhihde amülim rhimoshih, tüsho Atungpuh mihtsürü bolung arüm tukthsü lakheah.

WÜHKHE 31:8

Arünü alaksahkhi lungnü Midiarü kiulongthsürübo phüngü harü laksah: Evi, Rekem, Zur, Hur, tüsho Reba. Arünü Beor tsührü Balaam she nuknü laksah.

MATHI 18:7

Mihtsürü neak yihbeakshihbe lakhi dünkheaknü alomiküp are! Hadürü adünjibah, tüshe shepü hode ha akhiukshihbanü are!

YUNIRÜBO RHIMO 15:29

junangde nüsanü sangthsü kingaünkhi, thiyih, athünitsahkhi, tüsho müzammüram chingnü akümkangbah. Nüsanü harü chingnü tsokhide lasho tsüde arhimobah, tsüde laang.”

YUNIRÜBO RHIMO 21:25

Tüshe khiungkerü thsungkheak a isanü münrünkhi sangthsü kingaünkhi, thiyih tüsho athünitsahkhi mütsühpü, tüsho müzammüram müthsüpü kihüm mühahdo.”

ROMRÜ KILIM PAULNÜ ATHRÜTKHI KIHÜM HUHTANYU 11:9

Tüsho Davidnü thachoh, “Arü dükhüm ju qimürip tüsho azheang, arü angakpung tüsho thsümüchipü kamshang;

ROMRÜ KILIM PAULNÜ ATHRÜTKHI KIHÜM HUHTANYU 14:13

Jumonü isanü khülangnü khülang thiyumükhapnü, tüshe keoniorü limro ching küyimkishe jingmükhebe yungsho limkhudo muzopü pungkhianü.

ROMRÜ KILIM PAULNÜ ATHRÜTKHI KIHÜM HUHTANYU 14:21

nü keoniorü jingmükhepü thsüde shih tsühpü, yukhu yungpü yungsho, tümükhüh rhimopü dükdü yung.

ROMRÜ KILIM PAULNÜ ATHRÜTKHI KIHÜM HUHTANYU 9:32

Tümü thsükhea? Tümütüsho arünü akin hode mümüsham, tüshe rhimo kheak ningkih. Jingmükhelung kheak arü jingmükhe,

1 KORINT 1:23

tüshe isanü a Jihudarü ki jingmükhebe tüsho khiungkerü ki makhakhi, Khrista yümkihkhi thsangyuthsangrachoh,

1 KORINT 7:2

Tüshe müzammüram rükaki lakhi hode athrürü abannü nihbuh niuberü tüsho aliberü abannü nihbe niubuhrü labeah.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

JIHUSUA 24:9

Tüsho Zippor tsührü Balak, Moab kiulongthsüpuhnü Israel bede keochih; tüsho apinü Beor tsührü Balaam thiyia nüsa athrushih,

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.

2 PETER 2:15

Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando,

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

AMIKHEAKAKHIUKKHI 2:20

Tüshe inü nü azhihde ha lah: Anihbe küdahnü Thrünpuh yunirü ah de jia lukhi Jezebel kheak arümkheamchoh. Anihbe thsangyukhinü I tankihrübonü müzammüram rhimoshihde tüsho sangthsübo ki kingaünkhi tsühyungbe tsühshihde bemüchihdo.

AMIKHEAKAKHIUKKHI 2:4

Tüshe inü ha nü azhihde alakhi ju, nünü akhuhde amuzho lakhi bahyukdo.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.