AMIKHEAKAKHIUKKHI 2:10 - AMÜSÜH HÜM CL Bible (BSI)

¹⁰ Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 2:10 Iomraidhean Croise

MUNGSHIKHÜN 31:23

O nüsa api yo amüsührü alalanü Atungpuh muzhoang! Atungpuhnü thiyuro larü kümde zochoh, tüshe apinü akükheangrü mode thsümüchichoh.

TÜZHOKHI 3:57

Inü nü jichoki nü phünide arükheah; nünü tha, “Dütre!”

DANIEL 1:12

“Muzhobah nü yamlarübo nimung thürü rükakiang. Isa kilim atsühpü awophüyak tüsho ayungpü ke jihang.

DANIEL 1:14

Jumonü apinü ha lümkhi mulongkhit tüsho nimung thürü thsungkheak arübo rükaki.

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 24:13

tüshe shepünü akheam khiungde arümbanü akhümkhitbah.

MARK 13:13

Tüsho I mung dünkheaknü mihtsürü alalanü nüsa thraneanbah. Tüshe shepünü akheam khiungde arümbanü akhümkhitbah.

MARK 8:35

Tümüde shepünü nihbuh rhangdung khümkhitpü künbanü ju adükheakbah, tüshe shepünü I tüsho thiyusheak-atsü dünkheak nihbuh rhangdung dükheakchonü akhümkhitbah.

LUKNÜ ATHRÜTKHI THIYUSHEAK-ATSÜ HUHTANYU 21:12

Tüshe harü alala müngüh, arünü nüsa kheak arü khah chungde thsümüchibah, arünü nüsabo sinagogbo tüsho rihyambo ching rama jihbah, tüsho nüsa ju I mung dünkheaknü kiulongthsürübo le kovünorbo miki bede arübah.

JOHAN 12:25

Shepünü nihbuh rhangdung muzhochonü ju adükheakbah, tüsho shepünü ha lomi ching nihbuh rhangdung thraneanchonü ju lün rhangdung thsungkheak labah.

JOHAN 13:2

Tüsho arelim yimtsühchoki api yinatsühshihpü Simon tsührü Juda Iskariot mulong ching amünean menü rük yukjih.

JOHAN 13:27

Kheakü yikhapkheam tsüh dunglim, api kheak amünean yüzah. Jisunü api ki tha, “Nünü tümü thsüpü lanü nahde rhimoang.”

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

1 KORINT 9:25

Jukthülahrü abannü zangrü danyukkhi chingnü ahorichoh. Arü ju adükheakbe kuthran ngüpü rhimochoh, tüshe isa a müdükheakbe lah.

EFISIA 2:2

küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

EFISIA 6:12

Tümüde isanü shochihkhi ju shih tüsho thiyih azhihde yung, tüshe yakzanshuhrübo, thiyukhüm-sühmühbo, ha amiting lomi wubo tüsho yinmi kiulongthsübo ching amüneanbo me thrungkhibo azhihde ah.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 13:2

Inü angükhi shiwüh ju sangtsung nangde, ajingbo ju kuto jing nangde, tüsho amün ju kekhüzü mün nangde alakheah. Tüsho ju kilim dragonnü api wu le kiulongthsü-binkiu tüsho thiyukhüm-sühmüh ato jih.

AMIKHEAKAKHIUKKHI 13:7

Api kilim amüsührü bede thirithsüpü tüsho arü kukpü she wu jih-a lakheah. Tüsho trük aban, mihtsürü, thiyutha tüsho trükshih kurungkheak thiyukhüm-sühmüh wu jih-a lakheah.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.