AMIKHEAKAKHIUKKHI 19:8 - AMÜSÜH HÜM CL Bible (BSI)

⁸ alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.

AMIKHEAKAKHIUKKHI 19:8 Iomraidhean Croise

MUNGSHIKHÜN 132:9

Nü yo amükeamrübonü thiyuro-lungki yihshang, tüsho nü yo amüsührünü asühachihde shoshang.

MÜCHITMUDU 31:22

Alibenü yapkiu khimbe keakchoh tüsho mürümmuchukhi athünak khimbo phuyuchoh.

ISAIA 3:23

ayinatrüm-khimbo, azhingzhingkhim, kuhingbe, tüsho kudukiubebo.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

EZEKIEL 16:10

Inü yakthsükhi khim nü kheak phukihjih tüsho jingkhümpü yukjih. Inü nü atsüdakbe azhingzhing phuyujih tüsho amo-achak khimmihnü nü lüpdojih.

EZEKIEL 44:17

Küyimki arünü alungbe khikzhakpung ripitbo ching yüzahbanü, arünü khimthünak yihbah; arünü alungbe khikzhakpung ripitbo tüsho ju ching I tankihchoki arü kheak shihnamkhim müyih.

MATHI 17:2

Ju ching arü miki api jak müthriabah. Api miro ju ani nangde tah, tüsho api khimmihbo ayinatrüm nangde yinde kam.

MATHI 22:12

Jumonü apinü anihbuh ki tha, “Müyambuh, arhangrü khimmih müyihde küde thsah ha ching azahkhea?” Tüsho apinü sheak makhiuk.

MARK 9:3

Api khimmih ju zhingzhing, khide müyede, phürüm nangde, alomi ching shenü she jurü ruk mümüyeshihkhukpü thsüde kam.

LUKNÜ ATHRÜTKHI THIYUSHEAK-ATSÜ HUHTANYU 24:4

Tüsho arü khide lümshangmangde alachoki, azhingzhing khimmih yihbah mihtsürü mahne arü miki zhip.

YUNIRÜBO RHIMO 1:10

Tüsho arünü api thüning lim yükihkhi kheahmüripde alachoki, mihtsürü mahne amüye yihbah zhipde ngü,

ROMRÜ KILIM PAULNÜ ATHRÜTKHI KIHÜM HUHTANYU 13:14

Tüshe Atungpuh Jisu Khrista zülu yihang, tüsho akünkhi reangkeamshihpü shih-yakli lim mulong düjih.

ROMRÜ KILIM PAULNÜ ATHRÜTKHI KIHÜM HUHTANYU 3:22

Ha thiyuro-lungki ju Jisu Khrista ching akin hode akinrü alala kilim Thrünpuh kilimnü arüchoh. Ju ching büthsüde tümü müla,

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 15:6

tüsho arüngyam chingnü yunirü thüne, arüm thüne lubah, ayinatrüm khimthünak müthsün yih tüsho arü treangbo suna treangkhümbebonü rümbah akhiuk.

AMIKHEAKAKHIUKKHI 19:14

Tüsho yinmi bonungrübo khimthünak atsü, amüye tüsho amüthsün yihbahle khorabo kheak binbah api dunglim yan.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.