AMIKHEAKAKHIUKKHI 19:7 - AMÜSÜH HÜM CL Bible (BSI)

⁷ Isanü asühachihanü tüsho asühanü; isanü api müretah jihanü, tümüde Namfimihnunu yamkhün kampü kim arüdo, tüsho api yamkhünbenü anihbe küdah thsüde thsakhama lah;

AMIKHEAKAKHIUKKHI 19:7 Iomraidhean Croise

MUNGSHIKHÜN 107:42

Thiyuro-lungkirünü ju ngübah asühachihchoh, tüshe mihbukmuyuk alala arü münbo yihdochoh.

MUNGSHIKHÜN 48:11

Nü mahkhapkhi dünkheaknü, Zion Müzüng asühachihshang, Juda tsührübebo asühshang.

MUNGSHIKHÜN 9:14

junangde Zion tsührübebo miki inü zhipbah nü mung shikhi thabah, tüsho nü akhümkhit ching asühachihbah.

MÜCHITMUDU 29:2

Küyimki thiyuro-lungkirünü yakzan shuhbanü, mihtsürübo asühachihchoh; küyimki mihbukmuyuknü yakzan shuhbanü, mihtsürübo phüthsaksümchoh.

KHÜNBOLUNGKHÜN 3:11

Akhiukang, O Zion tsührü liberübo, abenü api thranjihkhi kuthran kheak api yamkhün thsükhi nimung, api mulong asühkhi nimung kiulongthsüpuh Solomon kheak kheahang.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

ISAIA 66:10

Jirusalem lung asühachihang, tüsho anihbe thsungkheak asühang, nüsa anihbe muzhorü alala; nüsa anihbe kurungkheak tüzhorü alala asühkhi ching anihbe lung asühachihang.

ISAIA 66:14

Nüsanü angübah tüsho nüsa mulong asühbah; nüsa robo rimkiu nangde shih kihbah; tüsho Atungpuh khah api yamlarübo kheak lah de mükheahbah, tüsho abukakhiukkhi api riribo azhihde lah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 1:20

Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

MATHI 22:2

“Yinmi kiulongthsü ju ha kiphahlah. Kiulongthsürü khürünü api tsührü thsungkheak yamkhün kamkhi thünio thsakham,

LUKNÜ ATHRÜTKHI THIYUSHEAK-ATSÜ HUHTANYU 12:36

mihtsürübonü arü putungrü arhangrü thünio chingnü arükhi aleangde labah api arübah athrungchoki arünü nahde khimdopü khimshuhjihkhi nangde laang.

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

EFISIA 5:23

Khrista ju api pang borü aku tüsho akhümkhitrü thsükhi nangde, niubuhrü ju niuberü kumung aku ah.

EFISIA 5:32

Ha aramyu asük khülang ah, tüsho ha Khrista tüsho borü dünkheak ah de inü thachoh;

YUZÜNGTHALO 32:43

O trükbo, Atungpuh mihtsürübo shiang; tümüde api yamlarübo laksahrü alala kheak apinü royimchoh, tüsho api riri kheak royimchoh, tüsho api lo le amihtsürü neak bahjihchoh.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 19:9

Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.”

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;

AMIKHEAKAKHIUKKHI 21:9

Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.”

1 SAMUEL 2:1

Hannanü tamkhüntamnü tüsho tha, “I mulongnü Atungpuh lung asühchoh; I sühmüh Atungpuh lung shuhkihdo. Inü I riri ki münejihchoh, tümütüsho inü akukkhi ching I asühchoh. @SP ACE=